今日係2014年12月15日 2:25 a.m.
呢到講既野原本係我應該6年前要講 但我實在無勇氣 所以拖到依加
對唔住...
6年喇...我同你分開左6年喇
我知道如果可以俾你揀既話 你一定唔會想識到我
我知道我既出現令你好唔開心又哂左你咁多時間 自己做錯野 又無同你講清楚所有所有野
淨係一路避一路避 避到今日我先有勇氣去面對你
我知道係遲左好多 好對唔住:(
呢個blog曾經記載左我同你之間好多好多野
我唔係今日先諗返起你 其實時至今日我都會諗起你
我知道依加既你應該唔會再記得呢個blog 亦唔會想提起我同你之間既事
因為我做左好多錯事 講左好多大話 一d都唔會值得被你原諒
我一直都知道你係個好人 真係好好
我每次講完一D不知所謂既說話 明明自己講大話都要唔認 就同你講句你唔信就算
果陣你都依然信我 仲會俾無限次機會我 令到自己唔開心 但你從來都無怪我無鬧過我...我好慚愧
你...從來就只會諗方法令我開心 自己唔開心都唔會出聲 會關心我 會包容我 會遷就我 會為我做好多好多既事
我一話鍾意天空 你就會每日影一張俾我 氹我開心 果陣睇你每日覆我既email睇你每日影俾我既天空就成為左我既習慣
而我...從來就只會令你唔開心 無令你開心過 無為你做過d咩 一樣都無做過 仲對你講無數個大話 講完又唔肯承認
好對唔住...
過左6年...呢6年發生左好多野 我亦改變左好多
但係你已經唔會再睇到 因為你已經唔會再想接觸我呢個人
我有時會諗如果我一開始就同你坦白 我地既結局係咪會完全改變哂?
係咪可以細水長流?係咪可以幸幸福福?係咪可以話俾所有人知其實異地戀都可以work?
依加科技已經好發達 我係咪可以日日同你keep住skype 可以同你wtsapp 可以唔洗好似以前咁靠一日一個email?
我係咪可以等到你返HK 可以同你一齊出去行街睇戲食飯 係咪可以認識你既朋友? 好多好多係咪可以......
但我知我淨係可以得個諗字 因為你已經唔會再理我呢個人
有次我收到你既email叫我去機場接你機
我好想去 因為我唔知係咪你俾機會我去追返你 係咪俾機會我同你坦白 同你解釋
我好後悔我無去到 如果我去左 係咪可以挽救我地之間既關係?
呢幾年即使見到你fb都唔敢add 即使我有幾想知你既近況 即使你既email係可以搵到你 同你講野
我都知我唔可以add你唔可以搵你 因為怕你會記起我呢個賤人對你做過既衰野
呢到既野 我知道你呢一世都未必會睇到 因為你好憎我 唔想再掂到有關我既野
不過我仍然好想俾你知我呢幾年既諗法 呢幾年既感受
分開既時候你曾經講過你唔會再100%投入一段感情 因為你怕會俾人呃
依加既你係咪已經搵到個對你好好 值得你投入感情既人喇?
如果搵到 我真係衷心祝福你 因為你值得更好的 好人應該有好結局
你係好人 所以你應該要有個好好 好好既結局
對不起 我的出現讓你的人生染到污點 讓你有陰影
讓你不再輕易相信人 讓你曾經傷心 讓你的心機 讓你的愛白費了
我不奢望你會原諒我 只希望往後的日子 你可以開開心心 幸福快樂 這個也是我這6年來都會許的願望
對你做過的事 我真的感到很後悔
PWK 真的對不起:(
|
