人一離開得耐就咩都唔記得，

今日同個FD出去，發覺我唔係好識得點去買野，

發覺澳門好厄錢，發覺台灣買化妝好平，

發覺台灣越黎越好，好過澳門好多，

至少D人無咁兇神惡煞。

FD話，我就快變做台灣人，我唔否定亦唔承認，哈。

做台灣人都唔錯丫，

諗諗下，我想做既唔淨止係台灣人，或澳門人，或中國人。

嗯，都係留番要諗戈時先諗。

最近，講笑咁會同男朋友講結婚既野，

佢無表示，亦都無拒絕，

我可能亦都會無咩所謂，最後就係嫁比佢。

反正佢的確對我好，似乎又唔會出去偷食，偷食我又其實OK，大家一齊偷下無妨既其實又，

總言之，佢作為一個老公或者老豆，諗真D，未嘗唔係一個好對象。

但我應唔應該咁樣行落去？

走過麥田，要選擇一株好既麥穗，

又唔可以番轉頭揀過既情況下，

揀唔到，咁叫愛情，

隨便揀，咁係婚姻。

愛，或者已經愛過，好唔好都係命運，

而家定左，或者就會係結局？

慢慢，自己變得好信命，

慢慢，覺得主宰一切既，仍然係上帝，

慢慢，會自己做家務，因為搬左出黎住，慣左，

一個人，無論家庭如何，無人可以比到枷鎖，

自己總有一日會成為，自己內心所希望既人，

爭在有能力，定無能力。

如果每個人都覺得，人地係無可能理解自己既問題，

自己既痛苦，

自己既傷痛，

一切就會變得無意義，連言語都變得多餘，

所以面上先會變得咁暴戾，

所以粗口先會變得咁重要，

但好多野，自己都無出過力，點解就要落定論呢？

其實，細心諗，諗真D，

點解人地既理解又會係咁重要？

我覺得唔開心，就係我既唔開心，

屬於我一個人，唔需要理解的，

嗯，唔需要。