做咩咁夜都唔訓？

其實東搞搞，西搞搞，咁又就快三點。

唔係話一定要三點先訓，

不過，咁早訓又唔知做乜好，

因為會訓唔著。

壞習慣丫壞習慣。

成日睇番自己以前D相，

話大唔大，話細唔細咁，唯一變既係越黎越唔知似咩，

一個人要點樣定義自己？

走咩路，咩風格，咩叫SIMAN，

因為無規定，所以會迷惘，

當下，一切都顯得好唔真實。

而唯一使其變得真實既方法，係確信自己。

如果一切可以重來，或者一日就可以完成一生，

之所以人會有貪念，係因為會死。

無錯，人係會死，唔怕講我有寫過遺囑，

就係因為知道，所以先會珍惜一切，珍惜自己。

仲有咁多野未試未做，要好好把握。

於是，點解我而家會半夜三更寫BLOG呢？

我還真是他X的不知道為甚麼了呢。