晨光初現,床上一見!今天比日常上課天的"動L"(彈起身)時間遲緩了些,只怪近日都睡眠不足。

如常踏單車到天水圍西鐵站,差距15分鐘到9時!上課時間為9時半,地點是西半山總校!要害在於還要轉巴士方能到達。時間無情地追逐,9時半我身處美孚地鐵站,已經逃不掉遲到的呃運!到達金鐘地鐵站再步行到太古廣場,5分鐘才能安穩地站在巴士站呆等!

雖則遲到接近半小時,miss只輕憋我一眼!苦悶的2小時過去~午飯時間為11時半,噢~想到我腦神經五臟俱裂也得不著什麼落腳之地~只好悶地薰天地死隨數位同學,好又一餐唔好又一餐,古語曰:辛苦搵黎自在食,係食依方面認真唔慳得!結果我卻到了一間古舊的麵店充肌!

唔等果班化骨仔自己番學校先,皆因未做功課,入到班房開住老師專用既電腦,埋頭苦幹咁運用哂大腦主幹神經,機械式地打字!在空無人的密室里,並無恐懼之色,只有細微若致的寒意湧上心頭,怕做唔哂囉!原本做好既功課save左係電腦,點知學校系統仆街到set左自動關機,係miss講哂佢應該講完既肺腑之言後才發覺我午時做的一切只是徒然。好采miss亦係識做之人,我又唔係有心唔交,只係天意弄人-.-'佢俾我下星期連埋今堂既功課一併呈上。

放學同個同學仔重施故技,行差唔多半粒既行程到達中環地鐵站-.-'行行下,我想知有冇第條快d既路,因見天色暗啞無色,牽起細雨橫行,梗係想行快兩步啦!有個女仔行過,我冇理佢有冇望到我既電光,開口問佢點樣快d去到地鐵站,身旁既同學都俾我既膽識同爽快嚇親!只見她溫柔及和諧的態度,欣然讓我有些喜悅~講完一大輪,我問佢係咪住依度架?佢笑住咁話"係"但係又話唔係好記得-.-佢走開既一瞬間,我問"咁我如果盪失路點算?佢回頭對我一笑就走左,真係好囉命,佢既笑容我仲歷歷在目!後悔唔問佢拎電話-.-(有信心我敢問佢肯俾-.-v) 小走一段路,我又迷失左方向,見有條電梯似係去到目的地,又唔係好肯定,突然有個女仔行過,我又大膽問同一條問題,佢竟然帶我地行左段路,態度認真誠懇!當然係對答過程兩個女仔講既野大同小異,兩個女仔既質素都有番咁上下啦a_a

去到天水圍西鐵站,我坐係自己部戰車,細覓書中樂趣!依兩日番學都冇聽書,剩係好趕咁睇<<女生寢室1,3>>last day還書係琴日,只可惜只睇完<<1>>拎住本<<3>>係咁睇~唉!冇耐踩到天水圍圖書館打算再睇,都係買左野食先,去到8pm我都未睇哂-.-圖書館都收工啦!兩本都4xx頁兩日點睇??又唔係多時間~

番到屋企有時間就睇~到半夜終於煲哂喇~聽日還要罰3蚊~

ps:極力推薦大家借<<沈醉天 - 女生寢室1-3>>包你睇到廢寢忘餐!!!!!!!