今日４點鐘比人炸醒左，無奈爆，樓下ｄ人痴痴地線係道唱粵曲，又係道打牌，癲癲地架佢
地，搞到我今日返學勁眼訓，但係剩係炸醒我，其他人又炸唔到佢地，唔知呢ｄ係唔係
天意呢。係唔係都好啦，返學果陣，係停車場見到某個人係道好似好驚訝，我杠來諗住叫佢，
但係都係廢事啦，鬼死咁大個黑眼圈，好樣架，返到學校首先去左廁所搞搞ｄ黑眼圈先，我點
樣搞，你自己估下啦＠ｖ＠......返到去，坐坐下見到個個都做緊ｅｃｏｎ，我先諗返起原來我
都未做，不過記得又點ｗｏ，都唔識做，最後都係要搞到要搵人抄（好衰仔）。跟住上到班
房，又要搞埋ｄ無聊祈禱會，白痴架。話咁快去到午膳時間啦，由於我好屎眼訓，所以連訂左
飯都無落去食（好鬼賤呀可？），諗住留係班房訓下覺，但係傻傻的某"兩個人，係道射鬼我
ｏｈ！＞＜死啦死啦！玩下玩下又唔覺眼訓嚕，咪同佢地玩埋一份囉，無咩所謂啦，呢個時侯
都算係我今日最開心既時辰嚕，跟住兩堂英文，呢兩堂英文搞到我極無奈，前面果兩條友係道
睇我ｄ野，仲要話我煩啵！不過算啦．無咩所謂，還掂我都覺自己有少少煩既，係道同佢地講
聲ｓｏｒ囉，下次英文我收下嘴唔講咁多野專心上堂啦。。。。。。不過會勁悶，但係就算
悶都係我一個人悶，前面果兩個情同姊妹，都唔會覺悶，多我一個唔好，少我一個無咩所謂
既！呵呵我係咪好睇得開呢＝ｖ＝”放學果陣我又癲左啦，去左兩間７仔買野買左我差唔多四
十蚊，點知又咁好彩，撞到我個ｆｄ，當時係人都一定會叫佢比多幾舊我架啦（哈哈！）。當
我打開哂黎睇......哈哈！我又儲齊左一套啦！超級無奈爆爆爆爆爆爆呀！不過算啦，講出黎都
唔會有人信/ｏ\，我諗住影幅相架放上網證明架，但係我又懶得影，無計＞ｖ＜”。我返到屋
企，之後就去左補習嚕，去到７點幾返黎，食完飯開左機就即刻上ｄ人既日記板睇回覆，有時
睇下人地果ｄ回覆都會好有樂趣（哈哈！），加埋打埋今日既日記（呵呵！）。咁樣，今日就
完左嚕。『快樂既時光過得特別快，又係時侯講ｂｙｅｂｙｅ！』（＜－－－呢句好鬼老套）
好多謝大家收睇〝睇得見的心聲〞。
－完－
|