今日頭三堂係中文堂，不過都唔關我地事，而係去彩排，因為彩排係要表演比嘉賓睇，但是我地舞龍由於有好長時間冇練過，搞到好生疏，唔似打鼓咁成日練，所以咪好生疏囉，練直練唔好!搞好耐先似番個型。

之後，我練完後返番課室上通識，由於我地唔洗上通識，所以唔知佢地上堂做咩?不過，原來今日佢地辨論，而辨論咩?係一孩政策既題目，佢地分為2組，而2組有唔同意見，第1組係贊成，第2組反對，由於第2組唔夠理由，唔能夠講到點解反對一孩政策既理由。

今日係專研匯報既第二日，係由小學既小四A開始至到中三E為至。一開始又由小四b匯報，而佢地匯報既主題係孝，都算幾貼題，幾多人睇，幾有教育意義，之後到咗小四B，佢地都講得同做得仲悶，做完小學匯報之後，等待期待已久當然中學喇！

而中學第一組就是中一，嘩！佢D內容我都唔知點講，仲之好悶，加上佢地又唔知講咩，好快就過咗，終於到咗中三喇，由於我地果班特別，唔係一次過，而係兩組一齊，唔係同時做，係女子組做先，我覺得佢地做得唔錯，都幾搞笑，到我地匯報喇(男子組)!!

我地果段片，令到好多人笑，而且能夠講到重點，最後，去到中三E就完。之後到鐘sir講野既時候，佢講咗一個令我好難忘既事，就是人原來要成功，就要付出，只可以得到成功

我係這次專題研習當中，加深對中國既認識，同而確定自已係咩人，仲有一樣就是無論你自己係咩人好，生活係自己既國家，係一件好幸福，相比其他國家既人，並非好似自巳咁幸運。

但是我有一個問題，就是點解國歌既歌詞唔改，何況現在又冇戰爭，唔需要咁激動？

今日係新年放期後既第一日，我地返黎學校搞麻啲個專題研習，今次仲有少少又可以收工，又係畫漫畫同補返之前未做完既野。

係畫漫畫果個方面，只係畫得四幅，已經唔錯，因為時間太過緊迫，而且仲有啲未拍好，所以拍晒佢。

我地拍攝有一幕係章文俊係度極速洗碗，但是啲過令我地覺得好搞笑，但終於能夠可以拍攝成功，真是可喜可賀。

係啲次拍攝過程中，經常有一些搞笑既場面，但搞笑既當中我睇到既係大家係有俾心機去做，而且大家合作能力好高。 
 

係兩個禮拜既新年，同上年既新年都冇咩特別，但是今年既新年比上年開心，當然除咗𢭃利是之外，又係可以去街吖！不知幾開心。

因為係2月11日同我既舊同學，一齊去咗新都城，我地係果度睇咗一套戲，套戲個名叫做魔法奇緣，都幾好睇同幾搞笑，之外去咗一間專門遊戲機鋪，同張仲賢買咗個手制，因為次次去佢屋企玩，整日輸比我，加上佢個手制都壞壞地，所以買個黎玩。

我覺得今年既新年冇咁無聊，因為有人可以同我去街，等我冇咁悶，而且今年既新年我過得特別開心。

禮拜果日，我同張仲賢一齊去睇今年嘅賀歲杯，都幾多人去睇，而參加球隊都係來自外來球會同一支本地球會，佢地包括：克羅地亞既夏德、烏拉圭既彭拿路、南韓嘅蔚山現代同本地既港聯一齊比寶。而我地又睇兩場比賽包括季軍賽同冠軍賽。

季軍賽就是由彭拿路對蔚山現代，佢地實力不相上下，結果踢成一比一，要用十二碼黍解決，但對方守門員多次作出錯誤，結果球隊以四比五不敵彭拿路，未能得到季軍，期間更有一些粗口罵蔚山現代既守門員，但我覺得已經唔錯，因為佢地冇話對方身高同自己實力有咩唔同，而且佢地冇話因為輸咗波而發脾氣，而係面對失敗，輸咗又輸咗，我覺得我地學校既足球隊同學向佢地學習。

另外一場又係港聯對夏德既比賽，對港聯黎講非常重視，因為佢地15年黎都未攞個賀歲杯，所以對香港既球迷講係值得睇嘅比賽，港聯開賽冇耐又比人入咗波，但是仍然繼續努力去爭取入球，期間發生球員爭執，可能會打交，最於能夠平息佢地既爭執，而且有些球員感到不公平對待，球証都冇指控，令球迷不滿。

而港聯得到球迷既支特，成功以2比1擊敗對手，重奪15年既獎杯，係一件好開心既事。因為香港係以往咁多次賀歲杯都未能得到任何獎杯，但啲次能夠係咁強對手下，都可以獲得勝利，真是可喜可賀!

希望港聯下次可以係賀歲杯能夠得到錦標。