曼聯
sinayeung200 : 個人主頁 - 相簿 - 訂閱  [ QOOZA - 論壇 - 登入 ]
sinayeung200
暱稱： 漢森
性別： 男
國家： 香港
地區： 黃大仙區
«‹ September 2029 ›»
SMTWTFS
1
2345678
9101112131415
16171819202122
23242526272829
30
最新文章
•2011年既一年開始
•大半年過去
•如果時間可以停留，可...
•好耐冇見呀!過去一年既...
•與舊同學一起去街
文章分類
•全部 (32)
訪客留言
最近三個月尚無任何留言
每月文章
日誌訂閱
尚未訂閱任何日誌
好友名單
網站連結
尚無任何連結
最近訪客
最近沒有訪客
日誌統計
文章總數： 32
留言總數： 9
今日人氣： 27
累積人氣： 721
站內搜尋
RSS 訂閱
RSS Feed
2011 年 2 月 4 日  星期五   晴天


2011年既一年開始 開心 分類: 未分類

hi

我係度好耐冇上黎同大家傾計呀，最近天氣遲熱遲凍，令我身體都病左，好慘呀!!=.=

我係新既一年生活得開心，呢家係VTC(設計及桌上出版)課程仲有8個月讀完又走喇，吾知做咩工作好，前途迷濛。唉!!

我最近又重返教會(浸信會)，參加佢地既團契，好開心呀，D人對我好好呀，次次都有同佢地出去玩同食飯。

尋日我同幾個同學去睇兩埸波，一埸係南韓球會對中超球會(天津泰達)，可惜都落敗4~0，而本地球會(南華)落敗係中超球會(廣州恒大)_1~0，吾緊要，下次會有機會再黎過，為本地再爭光

最後我係祝大家兔年快樂，身體健康
發表時間：2011-02-04 10:47 AM  [ 訪客留言(0) ] [ 編輯日誌 ] [ 分享至FACEBOOK ]


2010 年 4 月 6 日  星期二   晴天


大半年過去 分類: 未分類

唔經唔覺離開左雅麗珊已經有大半年時間，能夠係雅麗珊讀書係好開心既事，你會問點解?

因為雅麗珊陪伴我十四年囉，而係十四年裏面，令我體會到人生無常，包括以前同我一齊讀書同學(大部分已經畢業或離世)。

我要多謝一班對我好好既老師和同學，冇你地悉心教導和照顧我，令我可以渡過十四既愉快時間。

現在我技能訓練中心，讀得好開心，識到一班好同學。

我希望將來可以持着紅十字會精神，服務社會。

多謝！
發表時間：2010-04-06 08:56 PM  [ 訪客留言(0) ] [ 編輯日誌 ] [ 分享至FACEBOOK ]


如果時間可以停留，可以做什麼 分類: 未分類

我好耐之前睇左一部科幻戲叫做：奇幻逆緣，幾好睇。相信大家都睇過。

但係都要透露少少戲情：講述一個男人，佢一出生就是老人家，父母視佢畸形將佢遺棄街中，後來得到一對有心既夫婦收養，而且遇到一生中改變命運既人。

最特別係主角會由老人家變番BB既過程，好有人生道理。

當我睇完呢部戲時，我會反思：如果時間可以停留，我會做咩呢?

打機、睇書、食飯等等既無卿事件，我認為可以用每一日既時間，做一些實際既事情，咁人生可以過得愉快

希望大家唔好浪費時間，而是珍惜每一日既時間
發表時間：2010-04-06 08:32 PM  [ 訪客留言(0) ] [ 編輯日誌 ] [ 分享至FACEBOOK ]


2009 年 7 月 21 日  星期二   晴天


好耐冇見呀!過去一年既活動 滿足 分類: 未分類

hi!

各位，你地好嗎?我已經好耐冇上黎打野，好對唔住呀

不過唔緊要，我會係度打番過去一年黎既野

係過去一年，我做左好多野呀，你地想唔想知呀

等我係度講吓先，首先:去過睇波喇(四角賽奧運、己丑年賀歲杯)、睇馬術、09年既開學、領袖生選舉、社幹事選舉、學校旅行、運動會、紅會義賣、同同學去街、聖誕節聯歡會、學校考試、去工展會、舞台戲表演同參加「細說我的夢」的工作坊等等，係唔係好多節目喇!

其中，「細說我的夢」同舞台戲表演e兩樣野，係我過去一年黎最開心既活動，因為「細說我的夢」這個活動令我認識到更多主流學校既學生，而我在這個活動中認識左來自李求恩紀念中學既同學，佢地叫做吳嘉欣同莫可兒等等兩位與其他同學，透過佢地兩位同學既交流後，令我發覺原來佢地真正用心來同我我地一起交流，可能你地會問點解呢?因為我自細都係同一d自己學校既同學相處，比較會熟識，但是我經過這次紅十字會舉辦既活動，令我感受到原來自己同一般普通既學生一樣，都有自己既自主能力同感受，但是我地有既野，普通學校既同學就冇e樣野，佢叫做體驗，因為我地係特殊學校既學生，比一般人學習和生活上困難好多，但是我們能夠可以克服好多既問題(心理、感情)，都可以克服，這就是我地既感受。我經常記住媽媽一番說話，佢話：你天生特別，有咩特別，e個世界上有人比你慘好多，所以人地點樣睇你，唔重要，最緊要係你自己點睇同你天生有        ，就要俾心機去你既書。的確係，讚同這番說話。而這個活動令我明白到你只要踏出一步，咁你可以知道更多既野，人地點睇你，唔重要，最重要係你自己點睇自己，e個就是活動既目的。

另外，我係學校出面參加左一個由之前黎我地學校既舞台劇導師，佢叫我地幫佢一起做戲，所以我地就幫佢手，係這個舞台劇，我地識左來自紅十字會學校既同學(黎珈欣)，大家係好多日既彩排，加深左大家既了解，能夠令一部好戲劇係舞台上表演，都係大家對自己既信心，成功地演出，真是好開心呀!
發表時間：2009-07-21 08:04 PM  [ 訪客留言(0) ] [ 編輯日誌 ] [ 分享至FACEBOOK ]


2008 年 8 月 1 日  星期五   晴天


睇戲差點去差館呀!! 分類: 未分類

點解好似講得太個作大喇!真係唔係作大呢!

果日陳重之約咗我同張仲賢一齊去將軍澳既新都城睇戲，而正果排有好多戲上映，而且好多戲我都好想睇!但是冇咁多錢，=.=(慘滲)

於是，我地攔咗套動畫電影，買飛黎睇，而佢個名就係上次係日記上藍生提過嘅戲「功夫熊貓」黎睇，入埸黎睇，睇睇吓突然間發生咗一件事，而啲事差啲令我哋入差館。

果個咁既死人陳重之成日係度搞部手提電話，唔知佢做咩，突如其然黍咗個職員，叫佢熄電話同懷疑佢係唔係係度偷拍，我地個刻個心係度驚緊。

到睇完之後，佢(職員)叫我地留地，叫陳重之交個電話出黎，睇個電話有冇影咗，之後個電話冇野，佢叫我地下次唔好，佢講完之後立刻走人。

經過這件事後，令我印象好深刻，返到屋企同阿媽講返這事件，阿媽話人地咁做係啱既，佢唔知你有冇做過，所以懷疑你地係啱。

 
發表時間：2008-12-28 11:38 PM  [ 訪客留言(1) ] [ 編輯日誌 ] [ 分享至FACEBOOK ]


1 | 2 | 3 | 4 | 5 | 6 | 7 | »