呢排又唔知痴左咩線...

之前同阿沈去行左一陣石蔭商場喇...見到星星紙...

於是咪買左一包摺囉......

每摺幾粒就好似可以摺埋左d唔開心ge野咁....

愈摺愈多....之前已經儲左好多lu....

唉.....發覺呢排都好反常呀....係屋企ge時候....

對住部電腦ge時侯都唔知自己想點...

又冇野做...又唔想熄機.....我自己都唔知點解呀!

有時係學校...想搵d 好人傾下心事咁....不過...

都搵唔到邊幾個...傾下其他野就得姐...

本來ge一個都唔知做乜....突然冇晒野講咁....

一日都係傾得一,兩句....之前都好地地架....唔知點解喇.....

又好似上年2月4號咁....唔會掛...今次又係因為咩事呀....

我又做錯野?唉....自從上次同mango傾計ge時候喊過..

都好耐冇喊喇....事關都冇mood去喊....但係呢排d mood又返梨喇....

但係我唔會!我要堅強d架嘛~點可以係又喊...唔係又喊呢....

希望忍得住喇.......