因為工作關係, 所以我成日都會同新人睇 rundown
發覺好多時新人係兄弟姐妹團的安排都有改善的空間
所以想係呢度同大家分享一下自己的心得, 交流一下

______
建議用 PIC (person-in-charge) 的制度, 即係每個兄弟都有自己的崗位同職責

第一崗位: 負責當天時間管理

– 顧名思義, 負責睇住玩 game, 斟茶會唔會 over run, 提示俾新人同其他兄弟知道

第二崗位: 負責物資

– 最好的配搭為一位兄弟 + 一位姐妹
– 事前一晚到女家幫忙 pack 物品, 因為自己 pack 的話會清楚一點, 減低拎漏物資的機會
– 將"不同時間要用"的物資, 分開 pack, 並且在盒面做好 label (需知道由女家返男家的那一刻通常都會很趕)
– 利用execl 做 一個 checklist, 在每次離開 / 到達一個地方的時候都對一對有無遺漏
– checklist 上預先寫定哪物品放在哪一車上, 最好係將重要的物品放在一架會全日跟住新人的兄弟車上

第三崗位: 負責婚紗攝影事項

– 同攝影師溝通
– 同四大長老溝通, 要搵攝影師幫手去影相的話, 可以搵這一位兄弟安排
– 幫手編排影相次序
– 幫攝影師手排位, 幫女仕們拎一拎手袋, 請旁人借開一下
– 特別係晚宴部分, 有一個人專門排人, 影出來的相會整齊d, 亦可縮短每張相的影相時間

第四崗位: 負責收禮物 / 金器

– 一般都會是伴娘收金器, 另外搵一位收禮物

第五崗位: 控制開席數量

– 大家都會知道擺酒總會有一些親友臨時有時唔能夠光臨, 所以往往去到開席前一刻會有縮圍數或加圍數的情形
– 這一個崗位建議由做兄弟的親兄弟/做姐妹的親姐妹去負責, 這樣會有助調動親屬, 減少尷尬

其他特別崗位:

a. 利是人 – 派利是俾看更, 攝影師, 化妝師, 酒席的工作人員等 – 可交由伴郎做, 利是封面寫清楚俾哪一位

b. 遞紙巾 (出現位: 玩game食嘔心野想吐出來, 四大長老飲茶位, 註冊位, 台上致詞位) – 可交由伴郎做, 所以一定要袋定一兩包紙巾

(註: 伴娘裙係袋唔到紙巾的, 所以可以係伴郎袋住, 交俾伴娘遞都可以)

______
其他注意的地方:

i. 其實應承得都兄姐妹的朋友都係好願意幫手, 所以只要可以清晰地話俾知要做什麼, 佢地都會全力以赴的

ii. PIC 的制度唔係話只有兄弟A自己一個人做工作A, 重點係請兄客A負責指揮工作A 的運作; 然後到工作B 的時候,就由兄弟B指揮

更多婚紗攝影資訊請關注：http://www.dplus.com.hk/