周家蔚台灣被扒銀包 早前周家蔚到台灣拍攝無綫改編幾米單元劇《你們我們他們》，趁拍攝空檔四出品嘗美食及做「獨行俠」逛街，幾乎出事阻礙返港，她說：「自己去行街嗰陣發覺被人偷咗銀包，好彩我一向習慣將證件放喺另一個地方，今次唔見銀包反而好開心，因為裏面用剩好少錢，證件又冇畀人偷到。」 談到台灣美食，周家蔚十分回味：「食咗好多嘢，最鍾意係牛肉麵，連湯底都飲埋，仲有等咗個幾鐘先食到嘅胡椒餅都好回味。」此行吃得「滿載而歸」，難怪她返港即要加緊做運動減肥！
