周家蔚唔知準老爺捧獎 陳敏之與周家蔚昨出席無綫活動時表示有傳短訊慰問林峯，並料不到有人為求目的而不擇手段。她更透露自己有與陳山聰前妻Ponny食飯，並說：「大家都係女 人，會傾偈，佢心情OK。」而周家蔚對於未來老爺洪金寶得到亞洲電影獎的最佳男配角時表現得一頭霧水，謂：「唔知喎，不過都開心，自己有睇佢嘅《葉問 2》，都知佢辛苦，睇吓有咩禮物送畀佢。」
周家蔚台灣被扒銀包 早前周家蔚到台灣拍攝無綫改編幾米單元劇《你們我們他們》，趁拍攝空檔四出品嘗美食及做「獨行俠」逛街，幾乎出事阻礙返港，她說：「自己去行街嗰陣發覺被人偷咗銀包，好彩我一向習慣將證件放喺另一個地方，今次唔見銀包反而好開心，因為裏面用剩好少錢，證件又冇畀人偷到。」 談到台灣美食，周家蔚十分回味：「食咗好多嘢，最鍾意係牛肉麵，連湯底都飲埋，仲有等咗個幾鐘先食到嘅胡椒餅都好回味。」此行吃得「滿載而歸」，難怪她返港即要加緊做運動減肥！
周家蔚事業婚姻未揀掂 周家蔚、馬賽及李思欣等一眾藝人昨宣傳無綫外購劇，於台上大整麵包及與觀眾互動，非常熱鬧！ 今年屢傳婚訊的周家蔚春光滿面，她表示曾積極籌備婚禮，卻驚訝於今年酒席已爆滿，令她非常頭痛，亦有所卻步。她稱正處於事業與婚姻的「兜圈期」，雖見娛樂 圈喜訊不斷，卻對婚姻有所卻步，她說：「結婚都係為咗生兒育女，我媽咪依家教緊BB心理學，話要用三年時間全力照顧個BB，但我有時見到啲事業有成嘅人又 會好想專注事業，所以都好矛盾。」
