|
今日好大雨，屯門區由琴日早上落到而家,,冇停過,,本來今日係唔洗返工，但同事話要返，搭bus果陣，勁大雨囉，落車之後無耐，岩岩有架bus駛過，成堆水潑晒去我身上，下半身濕晒，好在我今日都穿涼鞋返工，行緊去公司之際，地面有點兒水浸，行起上來感覺好似行緊沙灘邊d水錦，加上好大雨關係，差唔多成身濕晒，不過上身都係少少濕姐，下半身最濕囉，有點吋步難移。期間仲行雷
返到公司門口，未開門，我同個同事都唔知點好，我打俾老闆娘，佢叫我地等開門，本來我同個同事行返出去APM入面避雨，又濕多次，找個地方坐，我一邊听收音機，听住天氣，之前老闆娘說暫時返唔到黎公司，因為佢地住西灣河，要搭船，同事話老闆娘之前都有返架，唔知點解今次唔同，上次都係黑雨，之後老闆娘打俾我話開左門，叫我地返公司，又要濕多次，去到公司開工，之後無耐先知原來負責開門的男同事返左大陸，听老闆娘講電話，好似係去左中山，錦就係葉生開門，葉生說黑雨可返可不返，如果身處在家中或在車站等緊車，而知道係黑雨，就唔洗返工，待黑雨除去先再返，至於身處在公司附近的，當然要返，留在公司內。不過我住TM既，今日十二點就除去黑雨，我都唔知返唔返好，因為一程車都要個半鐘，加上下大雨，理應屯門公路必會塞車，就算唔塞，青山公路或汀九橋都會塞車，我公司星期六係放兩點的，十二點起計個半鐘，唔計塞車都一點半啦，我諗無理由返得半個鐘架﹗
今日老闆佢地D朋友約佢地飲茶，點半就收工，之後個天好返D，清好多，無錦黑 ﹗不過最後同男友行完街，大雨返，又濕多次﹗
夜了，不打了，今日是我最長的一篇日記^^
|
