今日都係溫文學...但訓晏左到9點多先起到身...今日都ok..中間番左去睇波..

高佬真係好搞笑..以前唔係太熟佢..但佢都真係唔錯哩...

銘恩堂自修室last day...話咁快又考完會考...又有點不捨...

今晚呀媽唔舒服..本身個心都已經有點煩...老豆番黎又唔知點解呢排口黑面黑...野都唔同我講多句...但自問平時n世都唔見多過佢一陣咁上下...

如無意外應該係我分別起考數同中史前一晚訓唔到...除左緊張仲要係食左藥頂唔順d藥令我心跳加速得好厲害仲有d問題..所以就叫左呀媽幫我..

例如訓我上面果格床(佢自己話陪我)..又如等我訓覺或照顧我啦...所以佢又訓唔到+唔gur呱= =...

呢件事令我覺得有時有d野真係連世上既父母都唔講得...咁又係..始終人性係自私..再親都係有分別...唔係點會自古以來咁多起家庭爭權的慘事呢...

唉..也許下次我真係好唔得...我都唔應該講出黎...又或者有一次我真係唔住佢地先會後悔...我成日覺得我講既野or諗既野岩...

只係呢個世度上冇人聽...或者要我做左一次衰左先有人信..但唔係樣樣野衰左可以重頭黎過架嘛...

突然好盼望有一個屬於自己的世界...我真係希望可以找到一個知己好友...最少如果未來有伴侶也真的能談心事...

呢排..k.o.ten比人係咁寫野話佢偷試題...佢有冇做我就唔知啦...雖然我係佢學生...但從基督徒的觀點看..他當然不是一個甚麼好人吧..

但看過他的專欄...寫的雖然不是甚麼了不起的東西..但總算是有心教好學生起碼不要像那些藝人或壞蛋吧...在老師的角度上..我想他也希望教學生做番個好人既..

不過呢件事始終我地都係唔知佢有冇偷...當然如果佢係有..但唔承認..就係好差啦...佢自己起專欄也評論過果件藝人事件...但如果套在他身上..做了又不認...確是做壞榜樣又有口話人冇口話自己..

不過咁睇...佢都唔一定係有做既...我都深知有時冇做過比人屈...個感受真係好差...至少我在班中可說是常比人咁屈=___=...

所以如果佢冇做..佢又咁有心平時賺少咁多黎教學生...但而家一有小小傳聞就公開聲討佢...真係會好心淡...所以話呢個社會都好現實...

孔子所講既大同世界...幾時先可以實現呢...由古至今不斷的差下去...難道就如莊子所記..知識越多就越扭曲人性?幾千年前的人智慧也不能看小...