嘩嘩嘩．．．又到星期一啦，時間倒數中．．．重有８日左右就考物理囉。不過．．．有好多野都唔識．．．哈哈。

【感情】呢２個字真係．．．唉．．．害到唔少人，每日都有唔少人為感情既事而煩惱。．．．係我身邊都有唔少朋友係禁，感情令到好多人都變得唔理智，好容易做錯事。．．．但係我都會盡力去幫下呢ｄ朋友，因為人生中可以相識已經係一種緣份。

萬物皆因緣而起，最終也必緣而終。

緣係多麼奇妙既野．．．哈哈

無緣可算係有緣．．．緣盡也係緣的第二個開始。．．．

為何世人皆自找苦惱．．．何不學懂【放手】．．．

無名皆為名．．．有名何為名．．．你又明唔明？

樂晴上（快樂的晴天）

足足有一個星期冇上過黎啦．．．今日見得閒上黎講下野．．．嘻嘻．．．真係一個唔正常既人講埋ｄ唔正常既野。

時間過得真係好似飛禁快．．．可以用瞬間黎形容。重有唔足１０日既時間就開始我會考既第一科．．．物理，不過我重未溫完書．．．哈哈．．．唔知點算好。

不過好多野都唔輪到我話事，因為有ｄ野一早就注定左，我只可以去實行所定立既計劃．．．只可以默默地為世人而成受呢種苦。

又要開始下一輪既計劃了。．．．天意．．．哈哈

睇黎真係要好好禁溫下書先得囉．．．天尊

時間無多了，重有好多書要溫．．．哈哈。重有１６日左右．．．．嘩禁多時間．．．＝　＝

今日既我係聽日既我，聽日既我係後日既我．．．禁後日既我係咩呀？．．．估中有獎．．．

在成功的時候，我學習謙虛；
在失敗的時候，我學習堅毅；
在快樂的時候，我學習節制；
在痛苦的時候，我學習忍耐；
在憤怒的時候，我學習冷靜；
在害怕的時候，我學習勇敢；
在焦慮的時候，我學習樂觀；
在迷惑的時候，我學習分析；
在猶豫的時候，我學習決斷；
在懈怠的時候，我學習積極；
在羨慕的時候，我學習知足；
在孤寂的時候，我學習獨立。
出自阿濃既青果二集

岩岩我又睇返變形金剛呢部電影,雖然已經睇過幾次,但係呢部電影真係俾到我好多回憶。變形金剛係我第一次同佢去睇既電影,亦都係我人生中第一部我最鐘意既戲。回憶係人生中最寶貴既野。．．．唔可以失去．．．一定唔可以，因為有幾多＄都買唔返呢ｄ回憶。

回想起琴日佢同我講既野,佢搵到一個好愛佢既人，而我就．．．哈哈哈．．．晒左唔少時間。睇黎我真係要好好禁反醒下我依家既人生方向,時間已經冇多啦,重有唔夠19日就要開始會考既第一科。我真係要好好利用呢段時間去做應該做既野。唔可以再浪費禁多時間,因為時日無多。只有好好把握依家既時間,去創出我既奇蹟,係以前既我都曾經創出左唔少奇蹟，我相信呢次都應該唔會失手．．．同埋我亦都唔可以再俾自己失手，因為只得一次機會。好好利用呢既機會呀．．．

人既一生有無數次既機會，但能不能捉緊每一次既機會就要睇你啦。

世事變幻無常．．．人生變幻無常

到低係世事變幻無常定係人生變幻無常．．．有邊個可以解答到我？

世界舞台上的一個路人甲

第二次打野上黎，今日俾我知道一件事，對我黎講係一件好大好大既事，原來佢已經同人同居左幾個月啦。岩岩係ｍｓｎ同佢傾開先知，不過佢話我知個男仔對佢好好，個男仔話儲＄同佢結婚，不過都要等幾年。聽到佢禁講我都放心ｄ。雖然我唔識呢個男仔，不過我真係希望佢可以得到幸福啦。

佢係第一個係我目前人生當中對過我最好既女仔，我地之前係一齊返學一齊放學，係呢段時間都幾開心架。而最令我唔可以忘記既就係係我上年病得最辛苦既果段時間係佢一直係我身邊，無胃口同屋企無野好食既時候係佢買野俾我食，因為佢講過唔食野係唔得架，呢句說話我到依家都唔可以忘記。有一次佢重親自整左個咖哩炒飯俾我食，雖然個炒飯真係好難食，但係我都食完晒，因為呢個炒飯係我人生中第一碟令我感動既炒飯。佢既心意，佢對我既一切一切我都明白。

但好可惜我知道自己俾唔到幸福佢，我呢個人．．．唉．．．。但係我都希望依家呢個男仔係對佢真心，唔係玩玩下，只要佢可以得到幸福。我就算活少幾年都無所架啦。我都要開始努力下啦，重要儲定＄添．．．幾年之後既呢份人情．．．嘩．．．俾幾多好呢？．？．．．哈哈．．．秘密。

橫點依家個都唔知道自己重有幾耐命，因為最近心口又開始痛返啦！．．．點左醫生同無睇都一樣，都係唔知咩事。．．．

人生就係禁架啦，無野係完美既。上天要我受呢ｄ苦，我明白架，我唔會去埋怨。做好自己既本分就得架啦。希望我所識得既人都唔駛受我呢ｄ痛苦啦，因為真係好痛好痛好痛．．．有時痛到好似有萬箭串心禁，每分每秒都痛到入心入肺。呢ｄ苦唔係係人都受得住。

如果上天真係要搵人受苦既．．．搵我得架啦，橫點都苦左幾年．．．再痛苦落去都無所謂啦。．．．

一個愛付出既人