          
今日小學校友會
1:30-4:00....
就係撞正日文= =!
本來諗住唔去得 諗諗下都係早一個鐘走
今堂黃少興無番 搵左上次個肥佬教..
原來佢叫廖SIR- - 廖成財!(誤)
佢成日搞gag..... 我都係中意黃少興多d!
3:30就走 同ker.龍.dixon
搭38....落車個陣就搵到我為左佢而番小學既人....
謝健文!
原來佢一直同我地同車...
落到下層原來阿龍一早就見到謝健文
仲狂拍我 我都feel唔到= =
結果落車個刻就見到佢 囧
我問佢邊間室 果然佢仲係屈係二年級課室..
佢又問我入左邊間 哎渣我都唔怕講出黎
佢又係度話咩: [何東獅?!] 果然佢仲係咁痴線(爆
跟住番到去係禮堂見到pe林
佢話以為我地唔記得左佢
我地同佢講話我地學日文
佢話佢學過兩堂發現自己唔想做漢奸 結果成世人淨係學左兩堂xd
之後就上406搵謝健文 我唔記得哂點拉琴
佢竟然仲同我講: [鬼手~!] 嘻嘻 我記得點拎支弓架!
我學過三年!!! 但一級都無考過(打)
而家覺得 大提琴易過鼓!
係406玩左陣 就比何文祖入黎趕我地走= =
叫我地唔係學 唔好阻住人地學.....
我四年級學到而家冇功都有勞架你而家趕我扯!!!
我起碼幫你個何文祖係音樂會度表演過兩次= =
合唱團更加係多不勝數啊..........
好啦咁就焗住走 落去六甲 good!! 班房冇鎖門~~~!
入到去 搞mic 搞黑板 係好熟悉既空間(笑)
謝芷彤狂唱hello goodbye,佢扮AIBA把聲又幾似XD
佢係度LA LA LA...... 嘩笑到我XD
跟住驚比人發現會鬧 又走左 去廁所
我地入哂男廁 仲係尿兜度影左相XDD
然後DIXON又入左女廁 女廁!我係一樓女廁有好多回憶...
我應該入過去幾百次.... 當我番200日學 一日去3次..
600次架去左......
下學期仲要唔只一日3次 成日同14個女仔一齊入去攬頭攬頸XD
好中意D廁所 真係好大..好大 何東一個廁所得3格
跟住係學校門口影左相 我地指住夕陽 扮有FEEL(笑)
跟住就走LU!!
果然 CFCN確實好正 包括林林同珍姐..
我到而家仲可以帶點自豪咁講我係聖公會置富始南小學畢業生! =)
| 
