14/4
今日做左件我一生人中最內疚嘅事
喺人地眼中我係無聊冇野玩
我冇辦法去改變人地點諗我
令我最驚嘅唔係要比人罰
唔係要見家長
而係我怕旁人嘅目光
可能你覺得好小事
但當你做錯左一樣野
其他人望你嘅眼神變到好凌厲
甚至夾雜住鄙視嘅目光
嗰刻我諗個個都會想逃避
唔知我何來勇氣去自首
但係唔認錯到最後真相始終會浮現
我覺得自完首之後
我唔再驚
對手同腳再冇軟
即使要比人懲罰我都唔怕
懲罰係一定要有
否則更內疚
"錯要認,打要企定"
我而家明白到E句真係好重要
我一直以黎都好少喺學校喊
當你喊嘅時候D人叫你唔好喊
其實冇乜幫助
所以收埋自己軟弱嘅一面係最好嘅辦法
lunch完左見到___喺課室門口
唔知點解就有好多野想同佢講
終於搵到一個可以喺我最無助時可以攬住我安慰我嘅人
我以為我真係忍到架
但係唔知點解真係好感動
真係好開心
直到而家我覺得令到我開心番嘅
只有老師,朋友,___同呀哥
我冇諗過自己會將呢D野同呀哥講
我從來唔會喺屋企人面前講出我心諗緊乜
我怕佢地唔明我
但係冇諗過呀哥可以令我安心
雖然佢冇安慰我
但係我得到嘅係一份喜悅
係喺我心中最珍貴嘅禮物!
多謝你地!
從今日開始我想要過一個新生活
一個唔會再後悔嘅生活
與其後悔做錯
倒不如反省 |
