講返琴晚超恐怖,訓訓下突然聽到有"人"係度慘叫....
跟住我又聽到有一大班"細路仔"係度玩既大笑聲...
不過呢d聲一定唔係街度發出既聲...
而係好似係我隔離咁近....
真係好大聲...
因為我夜晚係關哂window開冷氣黎訓...
所以如果係街度既聲一定唔會咁應...
唔會咁大聲...
我聽到聲用張被蓋住個頭都冇用..
d"人"好似跟住我咁..
蓋住張被都聽到勁大聲...
而且呢d咁既事已經唔係第一次發生..
我就係度講下我由中學到而家既經歷吧!
以下所講既係事實..唔好以為我講故事...我發誓以下所講既係本人既親身經歷!!
2001年夏天..果時我初初搬黎而家住緊呢度..
因為我果時連埋我細個果時果d玩具一齊搬埋黎..
果時我記得我張一架玩具車放左係我間房既地下..
跟住去左訓覺..點知訓訓下半夜三更比d聲嘈醒左..
我留心聽下..點知..竟然係我果架玩具車發出既聲..
我果時係聽到果架玩具車係度行緊...而且仲猛禁撞落我張床度..
我真係感覺到果時張床真係一路比存玩具車撞一路震...
果時我仲細..所以好驚..想嗌都嗌唔到..唯有縮落張被度等天光..
跟住天光果時..我望下架車....架車竟然...散哂...超恐怖..
2002年冬天..果時我又係訓緊覺..半夜3更突然間比d不明來歷既聲嘈醒...
跟住我醒左聽到勁大聲既鬧交聲..保守估計當時既鬧交人數多過10個人...
因為真係勁大聲..直情真係可以第2層樓既人都聽到..而且佢地講果d我都唔知咩話..
淨係知道果時只係待我一個聽到呢d聲..我第2朝問家人..佢地都話聽唔到...
跟住我係前幾年先知道..原來我住緊呢條村..以前曾經係一個不為人知既亂葬崗.......
2003年..果時我讀中二..我係2A班識到幾個朋友..欣欣,君君,糖糖....
果時只有君君同我係見到鬼...上學期有一日放學..我地幾個比班主任叫我地留學校做壁報..
於是我地幾個放學就留係課室...我地整完個壁報跟住係間班房度唱Twins既歌..
我地唱唱下已經過左6:30..突然間...君君叫我地靜下..佢話聽到有人著住高跟鞋行路既聲..
"各""各""各""各"...其實果時我都聽到D..我因為以為自己聽錯...所以冇講...
而且果時D老師同學已經走哂..淨下既只有食蕉叔叔..所以我好肯定一定係鬼...
而且我地間學校有個傳聞..就係話係唔知幾耐之前學校所身處既位置係一個水務處..
係一次人為意外...有一個水缸爆左...D水湧哂出黎..果時間野D門上哂鎖..全部員工走唔甩..
結果有成幾百人浸死哂係入面...當然..這個只是傳聞....跟住君君聽到聲就話行出去睇下..
我見到佢咁開心..於是跟埋佢出去睇..欣欣同糖糖因為驚..所以冇跟黎...出到去之後..
人影到唔見..而且鞋聲亦無故消失...跟住我同君見無野咪走返入班房...
跟住我地等到7:00幾先走..走果時..欣欣話想去廁所..跟住我地行左去廁所..
點舍一去到廁所門口我地見到一個奇景...就係廁所度竟然有成套紅色套裝..同一隻高跟鞋..
果時個個嚇到鼻哥窿都無肉..一枝箭咁樣衝落地下极速搭車走人...
2003年..中2下學期...因為臨近考試..西屎老師Miss Wong要2A班放學留係度溫書...
跟住放左學..我地就係咁溫書..但好多人偷走了= ="...跟住過左7:30...
Miss Wong放我地走啦..跟住我,君,欣,糖4個人就一齊走啦..跟住君君同我地講話手仙好玩..
而且果時係學校仲好興..於是我,欣,糖諗都冇諗就應承佢話玩...我地4個首先圍個圈..
跟住交X手咁拖住..心情要放鬆..跟住一齊講"手仙手仙講你出黎"....跟住隔左一陣..
就講"手仙,你出左黎既就令到我地飄起啦!"跟住我地真係離開左地下...半空飄..
而且果時我仲隱隱約約見到1個半透明既人形物體係我身邊俳回..跟住佢地問左手仙影10條問題..
然後君君就叫我地請手仙走...跟住我地就講"手仙手仙請你歸位..手仙手仙請你歸位..".....
跟住過一陣我地就講"手仙..如果你未走就令我地升起啦..."..如果冇升起即係等於手仙已走..
手仙走左之後..果個人形物體亦隨之消失,,我估果個野可能就係個個都想見既手仙....
不過果日次後..我地都再冇玩過手仙..因為除左我之外..個個玩完都唔敢再玩呢D邪野...
但係我真係好想搵人肯再同我玩...
2005年...果時我讀IVE 2年級...果時學校迫學生一定要參加一個3日2夜既消防CAMP....
我也被迫參加了..因為佢話唔參加冇得畢業...到左入營既第一日...我地入左去之後..
就要整好自己既床位同埋要去拿消防制服...拿完仲要超快咁換好衫..走去集隊..
D呀SIR真係當我地消防員咁操..我地稍為企得唔好就成枝棍一野歐落黎...仲要做20幾下掌上壓..
跟住做哂一日既訓練..10點幾..我地就返宿舍沖涼訓覺..跟住半夜三更D房友同學係度講鬼故..
佢地話傳聞好耐之前呢間消防訓練學校死過人..果時有一個年青既消防員操操下離奇暴斃...
個消防員死左之後..有D人每晚都聽到有人半夜三更聽到好淒厲既慘叫聲...亦有人聽到呢D鬼叫..
嚇到神智不清..抑鬱而終...跟住到左最尾訓練果日..我地係炎熱既陽光下..繼續步操..
有人更加頂唔住暈左...跟住無啦啦..消防車場有一架消防車係冇人架駛既情況下行左出車場..
呀SIR見狀..即刻衝上車整停佢..果時好多人都話見唔到有人係架車度..
更有人話可能係之前暴斃既消防員想駛走架車...但係...永遠係冇人知道...
其實當時..我見到司機位度其實有一個半透明既男性物體....
其實除左呢D..仲有好多好多既靈異事件...呢幾件事只係冰山一各..但我唔想再打了...
|
