| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
| 1個偶然既機會,對愛情既1份觸動 |
分類: 普通日誌 |
今日好凍呀~~
但今日行程好充實^^
今日1早就約左Thomas同鄭伯去深水埗買收音機,
(因為聽日就系嫲嫲生日,之前又聽佢講話想要個收音機泥聽粵曲,咪出深水埗睇下有冇岩既囉:p
(但今日我又遲到啦xdd,今次遲左5分鐘;p,1日刀怪我太懶訓啦XDD
我地系深水埗好快就買到岩心水既收音機,真系好抵呀!!!
出面買可能要百幾二百even三百,但我系深水埗只系花左70蚊咋<3
不過我刀相信佢既質素系好既~(因為Thomas同鄭伯刀話ok:p
我地之後就去左食三哥譚仔,d人話三哥好食d,但我就覺得差吾多啦-3-
重有呀,佢地叫左個蒜泥白肉,話好好味;
於是我就試下啦~點知好大陣麻味,對我泥講吾系好受到x口x
跟住呢~我地就去左影貼紙相^^
我地影左2set呀~第1set好吾掂,第2set就好d^^
(d相重系我到,得閒要比番佢地先:D
影完貼紙相之後,我地就番去海怡搵金魚玩,系咪好充實呢?:p
(但充實之後就贔屭["閉魏"]啦..連書刀未溫,刀吾知點算好...唉......
但系呢~呢d刀吾系我今日想講既重點~~xdd
重點系呢~我地買完食完玩完之後..系利東大公傾計既內容:)
當然啦,雖然呢個系我舒發心事既1個地方,
但有時吾應該講既野,就好似朋友既秘密,大家之間既心事,我刀吾會講^^
有時..好多既回憶刀在心中,吾需要刻意地將所有野刀剖白哂出泥既<3
我地買左街邊檔同埋Jolly Shandy,上左大公食野啦~
我地起初講緊飲酒,佢地刀講下自己飲酒既經歷,只系得我冇xdd
其實有時我刀會諗,究竟我幾時先會第1次飲酒呢?
不過其實我1早就已經有左答案^^
我會等我18歲左,搵到個真心相愛既男朋友,系佢在場既情況下,我先會第1次飲酒,even飲醉酒;)
因為..我覺得無論我發生咩事,佢刀會系我身邊照顧我,吾會比我有事~
而且,呢段類似既說話,系出自彭丞榮既親口講出;我到而家,依然牢牢記系心中<3
之後我地就轉topic啦~我地玩「乒乓波」啦~輸左3次果個就要講1個秘密出泥xdd
當然,我吾會系到出賣朋友啦:p
不過其實佢地既秘密,刀吾算系咩大事件,只系..我為人比較好奇姐^o^
之後我地轉玩猜包剪鎚,猜輸左果個就要答我地1條問題;
甘我地就猜猜問問答答啦~
我1向刀好中意問d愛情問題;但估吾到,我反而比自己呢d既愛情問題,勾起我同彭丞榮之間既回憶:')
佢地起初問我,以教會泥講,對幾多個男仔有過好感~
甘其實愛情系分幾層架ma~(好感,中意,愛;而好感就系最低階,亦可以有好多個;
甘我就諗諗啦~最後,我計到大約有7個左右~(其實已經算少啦,比起其他人...;p
之後我又好吾好彩又猜輸左wo,甘佢地就要我講果7個既人名~~
甘姚佬､張偉安､Thomas就走吾甩架啦xdd
其次就系海程､皓為同鄭伯;
(其實鄭伯吾可以算系,但勉勉強強刀可以算系有諗過可吾可以成為戀愛對象,所以刀計埋啦~
甘最後..當然少不免系彭彭啦<3
甘佢地又要我逐個逐個講下點解有好感啦~個好感既period系幾時至幾時啦~
甘到我講到彭彭時,好懷念..1幕又1幕既回憶逐一甘映入眼簾:)
佢地問我幾時對彭彭有好感,其實我真系好難答,刀吾知點答;
我同佢,系2010年7月10號識,同年12月22號就1齊左,當中相隔左約4個半月,
系呢4個半月裡面,我地1齊玩,1齊傾msn;如果真系要答幾時開始對佢有好感,
我會覺得..應該系8-10月呢段期間:]
之後Thomas就追問左我1條問題,佢問:「其實有1次我地去海洋公園玩,你地系咪已經1齊左架啦?」
我答吾系,事實上刀1定吾系;因為我地12月先1齊,但去海洋公園系12月前^_<
之後雖然轉左topic,問其他問題,但我個腦就依然停留左系2010年既情景...
我諗番..我地系1開頭系幾甘sweet<3
雖然由相識到相愛既時間真系好短,看似系1場1瞬間出現既夢甘,
但當中所經歷既人事物,我系彭彭身上既感受既愛,卻全部刀好真實...
真系有d吾捨得..吾系有d,系好吾捨得...:')
我自問系1個對愛情十分觸動既女仔,
我好中意問人有關愛情既問題,同親我吹水刀1定難免有呢d情景發生~
我自己刀成日滿腦子諗愛情既野,
例如如果我人生裡只剩下最後1小時時間,我會搵邊個?同佢講d咩?
又例如如果我心愛既人死系我面前,我會有咩感受?我會後悔冇同佢做d咩?
再例如如果我有個機會,為心愛既人做1件事,我會為佢做咩?
好多好多既愛情問題,我刀可以好快甘諗到;我永遠刀吾覺煩,但我身邊既朋友會覺得厭:)
其實..呢d問題問番我自己,同樣地..我刀會覺得好難答,但我答到........
如果我人生裡只剩下最後1小時時間,我會想搵彭丞榮,同佢講聲「我愛你,我終於..可以做到愛你..直至我生命既最後1刻...」
如果彭彭真系要死系我面前,我會崩潰､好心痛...
我會後悔..吾可以系佢身邊陪伴佢..吾可以同佢1齊去下白泥睇日落,吾可以兌現彼此間所許下既承諾...
如果我有個機會,為佢做1件事,我會達成佢1個心願;那怕到最後佢心愛既人吾系我,我依然..會祝佢要一生幸福...
有不少人話我系「愛情顧問」,有咩愛情上既問題問我,我刀1定答到;
更有吾少人搵我去幫佢地表白~佈置示愛場地~諗示愛禮物,有時重要動手做埋份禮物tim~~
我自問對他人既愛情問題,我刀可以比自己既個人意見佢地,
但反觀自己既愛情,卻搞到一塌糊塗;想求意見,想搵幫手,卻無處可尋...
我刀系人,我刀只系1個女仔,我刀想搵到果份愛...
有吾少男仔成日刀話要搵我出去飲杯野;有d吾知點識既人,又話想約我去最近果個AIA嘉年華,
再熟d既呀..鄭伯..應該刀中意左我吾短日子啦...
但我對佢地根本冇任何好感呀!我連同其他男仔去「約會」既興趣刀冇呀!!...
我既心,就好似被彭丞榮伕擄左甘...
只有諗起同佢既1點1滴時,我先可以會心1笑,真正甘感受到果份甜蜜<3
講番正題呀~其實而家所有熟我既Fds,刀知我只愛彭丞榮1個,
但吾知我同佢..重有冇機會系番埋1齊呢?:')
|
« | 35 | 36 | 37 | 38 | 39 | 40 | 41 | 42 | 43 | 44 | ... | 144 | »
|
