人總係不斷不斷咁抱怨...抱怨咦個世界,咦個社會,咦一區,咦個屋企,咦個人...

成日都係度話...自己好慘好慘~咦樣唔好果樣唔好...但抱怨既時候,,,有冇諗過...你活在當下已經係唔錯呢?

往往都同人比較,佢有咩咩咩,果個人又有咩咩咩,我咦樣同果樣都冇...點解呀?

點解?點解你要問點解?@@係抱怨自己冇咦樣果樣既時間...有冇好好咁諗下...自己咦加已經擁有緊既野?

佢可能好有錢,但無朋友既關懷;而你雖然係無咩錢,但起碼唔開心果陣會有人係你身邊陪住你同你傾心事!

人用哂啲時間去抱怨...身邊就不斷失去緊野...自己係唔知...

時間,人同人之間既關係,自己可以做到既野等等...

時間就不再多講。人?無錯...人只會係失去某樣野既時候先會識珍惜果樣野!

The King of Pop MJ就係一個好例子...我唔敢話無咩人聽佢啲歌...

但點解係要等佢過左身...大家先會講句「不如買佢隻碟留念下啦」或「佢死左...我好唔捨得...」

但點解佢在生既時候...你唔會好好咁尊敬佢...要等佢成為過去式既時候...先會話可惜?

為其香港既artists係度話「MJ影響我深遠」,影響深遠?佢死左你地先話佢影響你深遠?佢仲在生既時候都冇人出過黎影響我咩咩...

哥哥,芳姐,肥姐等等....無一例外...

人生在世,時光匆匆50年,但唔係個個人都可以有自己既50年...

有時有啲心意唔去表達唔去表示既....唔通真係等佢去左先同佢講咩?!?!

「愛得太遲」除左係歌名,佢係個好好叫人反省既四個字!

因為咦四個字既背後就係「後悔」!人會後悔係因為錯過左個機會!

機會係唔會等人...係要由人去爭取返黎!由今日開始...好好咁對待身邊既每一個人吧!

珍惜同身邊每個人既每分每秒,不要「愛得太遲」引至「後悔」一世!