其實我對身邊既朋友係咪有問題?@@

定係...我唔適合做朋友...

係咦個世界...唔通用心對待就唔會有結果?

唔知點解...每次我用心做一件事都無做得唔好...

得過且過既時候...又會有好既結果...

咁唔通說明左我做每件事都唔應該認真?@@

我真係唔知...

我所牽掛既...唔知會唔會同樣牽掛住我?

我個心其實真係好15,16...真係唔知去唔去好...

如果我心中牽掛既妳...肯同我講妳既意見畀我聽...就好了...

我真係好想知...妳點諗...

如果龍貓真係肯幫我既...我真係希望...要一個機會...一個就足夠...

畀我去了解妳...畀我感受下...妳的心...

在我感覺中,妳就係一個極度怕羞既人...妳唔會主動話人知關於妳既野...

但妳會想有人去知去了解妳係個點既人...妳既唔開心永遠都只會一個人面對...

唔會想同人分享...妳每次既「唔知」唔係真無唔知而係妳唔識用文字去表達自己既意思出黎...

妳最中意食野,係極度為食既人種,古古力係妳最愛,其次都係甜既野同好食既野~但往往都會用個「肥」字去控制自己唔好食咁多xd

妳最叻既就係去認叻...xd咩事都好都想要做最叻最犀利果個xd妳係個唔服輸既人...

仲有好多好多...我打咦幾行都已經係咁笑xd

妳知道嗎...每次諗起有關妳既野我都會笑左出黎...

唔知點解呢...其他野我只會覺得係普通事...

但妳既...就算好簡單一句「哈哈」我都唔知點解...又傻笑了xd

希望妳隻腳聽日一起身就無事喇...

如果妳瞓唔著記得搵我呀~我都真無所謂架...

我一個人唔瞓可以陪下妳既都幾好呀xd

好似好長氣tim...@@

今日真係好攰...

先講返琴晚場比賽,雖然我無出賽,但琴日真係嬴得好險,亦嬴得好精彩

之後有人同我講「你要加油操fit自己呀,好快就到你架喇」

我明架喇~!我一定會加倍努力=]

之後去左m記食野...食完野返到屋企都已經2點幾...

3點左右瞓...今朝7點起身=.=攰到癲左...好想瞓唔想打開眼...

但要同屋企人飲茶,無計xd

之後10點幾就出左去mk搵婆婆

之後就去左買花樽,再去尖咀飲茶@@

之後去左陣街,就去左藍田搵舅母,佢果度啲衫好靚呀@@

之後就去左灣仔食飯

之後就返左屋企...真係攰死左...超無精神.../0\

我諗等陣一跳上床就可以瞓得著xd

唔知點解...突然間又有野需要我諗...

有刻發現自己開始慢慢唔屬於咦度...好想離開...

去一個舒服既地方...隱居同生活...但對我黎講,香港有好多野我放唔低...

始於我都係係咦度成長...

好多野...都係時候好好咁諗下...

唔知點解無同妳聯絡既時間...我會好想妳...但我知道妳睇緊野...

所以唔敢亦唔想阻住妳...但同時我不斷的諗起妳...

我成日都望住部電話,希望佢會響

龍貓呀龍貓~你快啲令佢變返青春喇...唔知既佢會繼續腰痠骨痛架.../0\

希望妳快啲好返唔再痛喇...

p.s.我識打羽毛球架:-p

今日去左打波~

打左好耐...但無咩心機...係因為...失去左方向同目標...亦即失去左自我...

上籃畀人封,射波抄粉,畀人過...咩都有哂...又好似個廢人一樣...

夜晚...返緊屋企果陣...自己問左自己一個問題...究竟自己所堅持既...所執著既...重要既係咩野?

係!係籃球!

係!我係自卑,我覺得自己無能力,我覺得自己未夠好,我覺得自己唔應該係隊波度!

係!我選擇左逃避!我選擇左無去琴日既選正選練習!

但...我唔會放棄!

我已經搵返我既目標!我唔會再逃避!我會去每一次練波!

我會去證明,我係有價值!

我唔甘心,但唔會再認為自己係個失敗者,去自卑!

我相信...我自己...亦相信身邊一直支持我相信我既人!

如果我有機會落場既...我會用我所有去將聽日場比賽拿下!

妳...又會支持我嗎...?