今日係亞爸既生日呀∼
而且都係我既Ｓｃｈｏｏｌ　Ｏｕｔｉｎｇ∼
要去海洋公園呀！
我有份提議架！

對上一次去係我上２年既生日，自己一個去！



今年成班去，仲悶過我自己一個去！
點解？


今日天氣好熱呀∼
我竟然穿超厚既衫∼！！！
蠢左！

搭東涌線既時候超多人呀！
我迫到同一個女人就黎身貼身咁企左３個站呀！
好彩係女人咋！
係金鐘Ｗ小姐既時候，巧遇Ｔｒａｃｙ呀∼
之後我地一齊搭６２９到正門∼
等左超耐，我地班有個同學Ｋａｔｉｅ
明明遲到，仲要打俾佢係電話講：
我都唔想黎，咁我咪唔黎ｌｏｒ∼！

大佬呀，ｍｉｓｓ硬係要我地等哂成班到先有得入場架！
你遲到係你唔岩，仲要講ｄ咁既野！＝＝

之後１０點幾入場，搭纜車上山
俾我見識到大陸人打尖既方法有幾勁呀！
話說我＆Ｅｍｉｌｙ，Ｖｉｖｉａｎ＆Ｋａｔｈｙ排隊
超多人
已經唔係幾耐煩∼
突然之間有成堆大陸人係我地旁邊慢條斯理咁行過！
明眼人一睇就知打尖啦∼
之後係我地後面既Ｒａｉｎ，Ｍａｇｇｉｅ　Ｃ就係咁好大聲咁用唔正既普通話講：
有冇搞錯呀，打尖．．
係打尖既話，就行到去第１個位打尖啦！
行返去後面啦！

嘩，超勁呀！
我地聽到笑到肚痛！
不過ｄ人冇反應之餘，仲係咁望住我地！
好似我地先係打佢尖既人！
不過我諗佢地應該知Ｒａｉｎ講緊佢地！

既然俾人打左一次尖，當然唔可以有第二次啦∼
我地兩旁既空位都冇留∼
過左一陣，我地鬆懈左
竟然又有大陸人打尖！！！！！！！
我地真係無奈ｌｏｒ！
後面既亞伯又埋怨我地冇睇實
俾人乘虛而入！

之後我地唔想俾佢地得逞！
我地做左個好蠢既方法！
就係．．．




打返佢地尖！
（好正常呀！）

係好多人迫緊去入口既同時，好快咁超前佢地！
哈哈
結果，我地成功地超前左佢地！
仲分開左佢地，搞到係我地前面既打尖之一亞嬸要自己一個坐纜車！！！！
抵佢架！

之後聽Ｋａｔｈｙ講
我地迫前去既時候，打尖個ｄ人係咁望住我地！
哈哈
依ｄ就係以其人之身還其人之道呀？！

成功上山後，
我地去左睇中華鱘，
之後我同Ｋａｔｈｙ玩飛天鞦韆 
Ｅｍｉｌｙ＆Ｖｉｖｉａｎ玩摩天巨輪 
又去左睇水母！


之後落返去玩滑浪飛船
等左好耐！
之後我玩既時候坐第一個位！
唔知咩事地架船好快
沖落黎既時候濕哂！
最嚴重濕係對鞋呀！

之後又要上返去同ｍｉｓｓ報到！
諗住玩多一陣既時候，佢地個個都走！
個時只係１點！ 
因為我想有伴，所以都走左！

所以我今日係海洋公園都唔夠３個鐘，玩左２樣野！！
＝＝

而且今日既氣氛好差呀！
希望下次再黎既時候，我可以玩得盡興ｄ啦！



 ＰＳ已新增１相簿ｆｏｒ悶悶的今日
唔好期待有ｄ咩野好睇呀！