點解呢幾日個個都要話我

鬧我

唔理我

放棄我

尋日去大會堂睇個節目

因為我同阿妹遲到

我阿爸係門口等我地

我地一到

佢即刻好大聲咁話我地

有d人望左過黎

佢係咁鬧鬧鬧

不斷話遲到係一件幾錯既事

而呢件事將會影響到我地既將來

到時就係我既上司鬧我

之後完左個節目我去增值

跟住我已經行左落去48X個巴士站

我等一陣,唔見佢地

我以為佢地係上面等緊我,我又上番去

之後落番去就見到我阿妹叫我

我即刻跑過去

我阿爸一見到我就開始鬧我

又問我去左邊,行左去邊

點解又唔打電話比佢

係咁指住我個頭黎鬧

我真係覺得好冤枉

係呢件事上面,我都有錯既

跟住原來我阿媽又上左去搵我,

落番黎又開始鬧喇

今朝我阿媽就好唔憤氣

問我到底想唔想學音樂

然後話3個月時間我

叫我好好地學

如果唔係3個月後就冇得再學任何野

係岩岩8點幾個陣

我阿爸行出黎

見到仲未食完盒飯

又開始鬧

點解講極你都唔聽

成日一路食飯一路睇電視

究竟我同你講既野你有冇聽入腦

左耳入,右耳出

你究竟有冇長大過架

[Bang]一聲啪埋個鞋櫃門

又講番尋日件事

我講番個穹實

佢就係咁質疑我

你知唔知呢個世界有好多壞人架

你on居居企係個巴士站度

容乜易有人捉左你

呢幾年就有咁多失蹤女仔喇

不斷重複..

當我d眼淚流落黎個陣

佢又話

我唔係話想鬧你

只係想教好你

我只係講番3件事出黎

我冇話佢地講錯or what

如果你地覺得係我錯,Fine

我冇話我冇錯

但係呢個禮拜係學校d壓力已經好大

d project又開始湧埋黎

又要校際

我本來以為番到屋企可以安安樂樂咁休息

但係呢幾日

我係咁比人鬧

比屋企人排擠我

佢地唔係3個一齊黎話我

而係逐個逐個行埋黎話我

當我問佢地野,佢地唔理我

我受夠喇

我都有自尊心

我都有尊嚴

我既心唔係攞黎比你地踐踏

我個人唔係攞黎比你地奚落

我唔想再留係屋企

但係我仲可以去邊呢..