今日係美術比賽
發生左好多事...冇可能打得完咁多,唯有講一d值得講的事
首先係....
開發茶餐廳個海鮮焗意粉幾好食......
正題..
美術比賽日,例牌唔洗上班務堂,走左去同五丁友食飯
食左個海鮮焗意粉,係筷子基區黎講,算係唔錯的一個意粉.
跟住12點10左右,係維世奶廠度等巴士
利利小姐同我講 : "睇下我幾聰明!我帶左支細水黎洗筆呀!"
...
結果我將我兩個水桶其中一個分左比佢...
拿...Annana都有話你支細水唔work架,唔好正係怪我!!
1點鐘 , 全部人係巴士等緊 , but立怡仲未上巴士 , 咁就叫個司機唔好開車住啦~
打左幾次比佢,冇人聽...
大約過了7分鐘,個司機好惡咁話 : "開車啦!!"
就這樣,立怡就要自己搭巴士去龍環萄韻...
係度插播一則上課小事 :
今日上堂的時候,冷氣非常之凍,
以我為中心,3x3內的同學都好凍
於是我地就開左把風扉...
將角度aim住教壇....
我們的曹老師,講緊"大江東去,浪淘盡..."的時候
突然遭受一股強烈季節性寒風吹襲
haha""笑死啦!!
去到龍環萄韻,大家好合拍咁搵到一個正位~
有枱"登"𦭵有野遮頭咁
搵好位,我就爭取時取去做一樣我一直都不敢做的事
我對我自已發誓,今年一定要識到佢
已經淆底左咁多年,無理由到今年都仲係咁掛?
白色女神一次又一次咁比機會我
比我去認識呢個我心儀左五六年的女孩
我相信,我再錯過呢D良機,我就唔係男人!
人地可能要畢業啦,你再唔去就注定抱憾終身!
於是我一直搵搵搵...
但,可笑吧?每次我覺得對我好重要的人,我都唔可以記住佢地的樣
我能記得的,就只有她的眼神...
所以,我就好似大海尋針,係龍環葡韻同嘉模泳池一帶邊跑邊搵
...
睇一睇時間,仲有幾分鐘就要開始比賽啦
我已經跑到全身濕透
點算好?唔通,我今年唔可以見到佢?
然後,我搵到一個地方
呢一區的學生都係着便服的
樹下,有一個長直髮的女生,低著頭,攞住筆,兩眼盯着白紙在發呆,正等待比賽開始
我唔夠膽保證,我搵岩人
但...當我看到佢的時候,佢比左一種好熟悉的感覺我...一種心動的感覺...
每次看到佢,整個世界就像凝固了,在我的世界,就只剩下她一人,其他一切都無所謂了...
雖然,我只同佢講過幾句說話...但有一種感覺告訴我,她,就會是和你一生一世的人
...
我和她,就只有五步的距離
我不斷的比指令,但兩條腿都好像不聽我的命令
因為,此刻的我,是非常恐懼的...
我是一個非常害怕失敗的人,尤其是面前的這個人,可能就係我咁多年黎都放唔低的人...一旦失手了,就意味著...一切都得完結...
就在這時,白色女神好像推了我一把
我估足了所有的勇氣,踏出了第一步...
...
踏出了第一步後,我整個人都在發抖
腿軟了,手軟了,還在標冷汗...
就在這樣的狀態下,我踏出了第二步..第三步..
...
我們之間的距離就只剩下兩步了...
我的心..跳得越來越快..
整個世界,都好像慢慢的停下來...
就在這時,大會的廣播開始了
已經兩點半了,是比賽的開始時間
這時周老師也看到了我
: " 河,開始比賽啦,仲唔番去?"
然後周老師用他的手臂拉著我番去
...
此刻的我,就像一個剛從觀光塔跳下來的人
心跳應比坐完過山車還要跳得快
四肢無力,完全沒有反抗的能力,就這樣被周老師拖著走了..
我對我自已說,有時回憶會比現實現更美麗
現在想來,根本就是一個害怕的藉口!
2點半,比賽開始,除了頭半個鐘大家都好認真咁畫,之後的三個鐘我地四個人都係吹水多
不過我們的對話內容極度特別,上至星座,下至螞蟻,有時談及復哥,輕鬆地渡過左呢三個鐘頭
五點多的時候,我跟朋友說我想去廁所
其實是我自已一直都過不了自已那關
我決定要再去一次
...
但這次去到,發現她人已走了
...
有些時候,人的境遇只需要一點小事就會發生根本的轉變,有些時候人們之所以徘徊不前,僅僅只是因為沒有踏出這一小步而已......
一直到六點,走的時候見到一班羊仔(勞校友)
呢班羊仔唔知邊隻開始係個公園裏面等學校車
其他羊仔都跟住係公園等學校車
嘩...有冇搞錯!正常人都知巴士係去唔到公園架啦~
6點半,上左番學校的車
立怡兄叫我地唔好叫佢做立怡兄
之後我坐左係立怡前面
佢同我講佢唔想讀物理,數學之類
戈陣我好疲勞,諗唔到應該點答佢
就冇答到佢
不過e+有精神諗番,我會答佢 : "讀書可以令你知道坐牢的滋味"
以下紅色字係比理班的同學睇的
設:讀書為a , 坐牢為b
a = 令你沒有自由 = b
a = 放飯就係最開心的時候 = b
a = 得罪上級就冇好日子過 = b
所以,a=b等式成立
就這樣,一天完結了
|
