好多日冇認真打過qooza了!
今日要認真打番一篇...
話說今日要去呢個"反賄選廉潔大步行",呢個活動的目的,係環繞西環湖一圈,以表示支持廉潔,今次大約有二千人參加
我本來以為只要去度同朋友傾下計,行下路就可以番屋企,點知....
佩芝(帶隊阿頭) : 所有男生都要拎一支旗!
眾男生 : (無奈...)
包括我在內,大約三十個男生拎住支成個人咁高既旗聚集在一齊
由於今日天氣比較凍,好多男仔都𤥢左運動外套,而我就正係𤥢住一件大會T-shirt.
反賄活動工作人員:我需要兩名男生擔大旗!
佢左望右望,見到只有我同我一名朋友𤥢住大會T-shirt,於是就叫左我地兩人合力拎一個好巨大的橫額,個橫額足足有兩個人咁高.
本來以為冇乜野..但原來呢個橫額係今次大會的標誌,所以...
反賭活動工作人員 : 一陣你地兩個要帶頭,記得控制好步速.
oh my god!
因此,我就成為左今日呢個大步行的暫時首領,跟在我後面的有 : 儀仗隊,管弦樂隊,旗手,交通警....... 成為左我人生行得最威風的一次
不過由於今日有落雨既關係,所以只係停雨時影左一張相..
結語 : 其實有時間的話參加一些活動是不錯的,幫到人之餘又可以識到朋友(因帶疋的關係,認識了幾個儀仗隊和管弦樂隊的人),又有大功可記,付出一點時間就可以很多有意義的事,何樂而不為?
|
