尋晚睇左幾期《NANA》...因為訓唔倒丫嘛=v=
點知咁快就天光=3=
算喇...天光咁咪幫手做下家務...
做完野....又食埋早餐....飲左杯熱朱古力....
咁洗返d野就繼續睇《NANA》
我發覺我己經深深咁愛上左NANA呢部漫畫...= =+
之後有D睡意....就返房訓....
一路聽住我近排最愛既《GLAMOROUS SKY》....
因為我入左入手機...所以隨時可以聽A_A
聽左大約四五次就訓左....
點知訓左兩個字左右我老豆就打返黎嘈住晒=3=
唔理佢喇....再訓....
由九點零訓到點零鐘....賓賓打比我...
因為尋日約左丫嘛....
咁我再訓多兩個字= =
起身就洗面換衫.....
時間有咁盡較到咁盡= =
我唔遲到亦唔早到....反正個賤佬都一定遲架喇=3=
到左之後我亦廢話少講....
問佢知唔知佢條女之前玩碟仙到底點玩...
玩到撞鬼咁大獲= =
問倒幾個問題.....如我所估計一樣= =
又問唔應該問既野....又唔正經....又放手.....佢咁搞都唔撞鬼既.....
我諗我唔會再信我以前撞鬼既事....亦都即係我唔會再信有鬼= =
不過人地既野...我都唔係太方便講太多=w= (雖然都講左唔少=v=)
之後估唔倒個死佬....問左我咁多鬼怪事.....
我都講左唔少我既經驗比佢聽喇....
仲就不時串佢嘴....問佢唔係不嬲都唔信架咩...信油炸鬼架嘛....問我做咩唧~
真係心涼>w<
一路行一路講喇....
我地都好似平時咁....傾完正經野....就傾咸野A_A
我都係比人帶壞喇....太可怕=v=
之後傾傾下又想當年....
傾到差唔多六點....我陪佢去搭火車返工....
佢入左閘我就返歸...反正近.....唔緊喇=v=
不過天都開始黑黑地....
我總覺得.....好似有d唔妥....
但唔係關鬼怪事既戈種惑覺.....
點知我預感真係中左....
一望返後面.....有個女仔係我後面好近= =
嚇到我丫....=3=
又係咁多樹下面....又陰又暗....又係白色校服....
就咪鬼行咁近喇....人嚇人冇藥醫....
我諗我係太型喇....佢忍唔住愈行愈近=v= (自戀中)
不過都係講笑啫....天都黑晒咁濟....
我又係真人君子=v=
個樣又夠正氣XDXDXD
佢都係驚先行近啫....但佢絕對唔係想偷野囉....
如果佢偷我野....一定係想比我姦左佢= =+
我都冇理佢....一路行...返到有光戈度我望返後面....=口=
佢對住我笑左笑就走左過馬路....
幾驚....無啦啦有個陌生女仔對住我笑....
然後返到屋企.....想好好地訓返覺....
又比家姐嘈....搞到我食完飯就玩左陣電腦....
順便睇下有冇野做....再唔搵野做就真係會悶死我....
我決定左....我而家想試下搵殯儀館做....
睇下人地請唔請死人化妝師....
點知我老母以為我講笑-3-
佢睇倒我真係搵緊殯儀館d網先嚇左佢一跳=v=
話比楠楠知...楠楠又係嚇左一跳....
之後老母問我...做咩想做呢d工....
我咪話比佢知....咁都叫幫倒人丫....
先唔好睇佢d人工....當係做多d好事....積下福都好架....
而且我唔駛受氣先...開頭幫都係幫d唔係好恐怖既屍體搞啫....
所以個先人既家屬應該唔會咁多野講....
到有朝一日真係做倒師傅級....
呢個問題就算真係出現....都可以面對喇....
但係講左咁多好似好有意義既事都係廢= =
因為入唔入倒行....甚至有冇機會都成問題....
唯一我驚既問題係...如果我真係做得成呢行既話....
會唔會連呢班朋友都冇埋....
開頭可能個個都話唔介意....
但係....之後呢....?
我諗十個有九個都係會離開我...連朋友都冇埋....
更加唔好話拍拖....結婚之類既事....
P.S.今晚得到左兩幅好誘人既相=v=
|
