尋晚又發左幾個夢.....但係唔記得係點.....

四點零起身爆石.....之後再訓過.....冇計.....凍嘛=w=

八點零老豆打返黎.....咁早打返黎把鬼咩.....

我死都唔聽電話.....等我家姐起身聽=v=

話左幾個字就起身開機睇漫畫同埋搵尋晚既架勢堂&她她她....

搞到食完飯....睇完衛斯理.....就換衫同老母出旺角.....

但係我個頭訓醒之後就好亂.....搞左幾個字都唔得=3=

嬲嬲地改一改個髮型就出去......頂......好怪......

咁同老母出女人街.....買牛仔褲......返工多條褲嘛....

行左一個圈再行返轉頭先係一個髮型酷似蘇民峰既老闆個檔買左條.....

個老闆好過癮.....好有禮貌....但係係基基地....走去拎褲個陣扭屎忽花 + 蓮花手......=v="

不過我幾鍾意幫襯佢....因為佢真係好有禮貌囉~

買左褲就去買d寵物既衫....買左三件比d貓....同埋買左龍貓糧 + 狗餅 + 草磚 + 狗零食 + 狗口罩

狗口罩係因為隻死野成日狂吠d貓.....鬧又唔聽.....打又唔理.....

最仆街係我老母乜都就晒隻死野.....真係把鬼.....就晒佢把撚咩.....

買左d野就搭車返黎.....根據我今日既觀察所得.....   (無時無刻昅女=v=)

今日好多學生(妹)或者後生女.....   (無視仔既存在....=v=)    [[另外....昅女係今日唯一心情好既事=v=]]

諗今日應該多數都係學校既聖誕聯歡.....

又令我諗起前年畢業前個個聖誕聯歡會......

阿斯、阿君、豬媽....之類同埋班仔既fd都叫過我好幾次....一齊玩....

話埋都最尾一年喇.....為左某一個人就冇去囉.....而家諗返真係好後悔好後悔.....T^T

返到屋企幫D貓換左D衫....隻臭狗唔知係咪呷醋定發癲....又狂吠.....

同佢戴個口罩又比我老母煩....緊又話整倒佢隻眼....鬆既又比隻死野整左出黎.....

真係好嬲.....我真係嬲係一粒聲都唔會出.....再加睇我既表情就可以知道....

所以佢都唔敢惹毛我....隻死野仲要係呢個時間咬我.....

嬲起上黎醒左佢一把 + 掟飛佢咬緊舊骨.....飛左落樓=口=

話之佢....關我蛋治.....=3=

然後個頭開始一陣陣咁赤赤痛....嬲丫嘛....冇計....

我而家好討厭屋企既野囉.....除左白色個隻貓.....同埋隻龍貓、龜之外....

係我打打下日記既途中.....我家姐又因為隻死野吠就同佢戴口罩.....

我老母又呢樣個樣喇....又話隻仆街呼吸唔倒....頂妳喇....又唔知其他狗呼吸唔倒......多舊魚....

隻死野仲衰到走左入我家姐間房痾尿.....我家姐拖完一次.....

岩岩放返好個地拖......隻野又整左D落去佢間房度.....我老母仲要偷笑.....

好令我反感囉.....好心又話咁錫個隻野就教下佢喇....

成日唔撚教.....人地教又話對佢唔好....食屎喇....

P.S.我以後都唔會再比隻狗入我間房....亦唔好旨意上我張床死入我被窩度訓.....

　　 我老母下下就佢....我而家唔會再就佢囉.....