尋晚.....真係火都黎埋.....

首先放左工又攰喇啵....冇計喇.....

冇做野幾個月....一做返野就一定會周身攰.....唔緊要~

但係我家姐去左街.....好似話去尖嘴.....

去到十一點先返....返個陣又嘈住我訓.....幹= =

然後訓左陣.....有個死仆街無啦啦打電話黎嘈醒左.....

我家姐聽電話.....條仆街又唔出聲.....

之後我家姐好似"喂"左兩聲就被條仆街cut左線.....之後再訓....

訓返之後發左個夢....夢中又比野壓.....

但係夢境既自己永遠都係好勁=w=

隻野比我推開仲踢到隻野愈黎愈細舊....之後冇左.....然後就聽醒.....

今日係平安夜....小BOE之前話今日去旅行....

好似話係一家人去上海.....上海.....唉= ="

不過我係未去過....真羨慕=3=

今日又係星期六....所以今日返工返半日....

返去去公司.....眼訓到爆....=3="

尋日冇返工既一位肥姐姐返左黎.....我唔記得左佢個名....真抱歉=v="

佢都好好人.....又係咁快混熟左....

打左陣字.....judy叫我一齊落去一樓個倉度.....

識左一個比我感覺好似小儀既姐姐A__A

佢叫做shirley.....唔係叫我sammy....係叫我小龍....真親切.....>w<

最搞笑係我撿撿下野....佢大聲叫"小龍...比條生路行下得唔得啊?"

原來係我撿緊既野阻住佢拎入面舊野=v="

然後我話"好啊....加油"...再加一個淫邪既微笑....第一日識就咁玩得....真開心....

玩左陣唧車.....又玩返熟-v-

之前做暑期工都玩過....所以玩返兩野之後就熟返....

搞完就上返去.....打左陣字就收工=v=

時間過得真快....可能係同judy有傾有講....又笑....所以唔似之前係百佳對住條仆街過得咁難....

一點鐘就走人.....同老母約左係沙田等....

所以都推左佢地.....唔去放左工之後個大食會....

去買野....我買左兩本書.....一本係草莓100%....一本係新出既鋼煉第11期

又陪佢去萬寧買藥膏同埋朱古力=v=

之後去實惠、無印良品、西田搵杯.....諗住買一個感覺上陰陰沉沉既返去公司.....

點Q知都係岩靚仔靚妹用既.....把鬼.....

又去老麥買左個魚柳飽餐同埋兩個飽比家姐同老母食就走.....   (P.S.收銀個妹妹仔....有幾成似楠楠= =)

仲要係用行.....行返屋企之後就開餐.....

開左前日個架勢堂.....再下載埋尋晚既架勢堂&她她她....

聽左兩日既架勢堂.....見有d攰.....   (話晒返工又係對住部腦多.....對眼要休息多d)

打埋今日個日記....諗住就熄機.....等到八點就開音樂台定咩睇eason個"藍寶石的夜空"

預祝上我日記既人聖誕快樂....唔上既唔快樂=v="

P.S.平安夜....各位女士唔好比人呃左....失埋身....保重保重= =+

　　 [[因為我冇得呃人地先咁講T^T]]