首先補充返打完日記之後發生既一件事....

尋晚一路聽架勢堂.....一路傾msn喇.....

星期四架勢堂係講恐怖野嘛.....但係雪海一上黎做嘉賓就唔見得恐怖....=w="

但係佢今次唔係講UFO....外星人.....某某事件既陰謀論....

而係講日本既一本書......《怪談》    (呢本野我都有....但係冇時間睇= =)

佢講左其中兩個喇....一個係鴛鴦既故事.....一個係冇臉人.....= =

前者一D都唔恐怖....後者係幾死怖下既.....(P.S.原文的話)

咁聽聽下....好攰了....同JUDY講左聲拜拜就熄機.....

一熄左機...怪事就發生了.....

首先我隻狗無啦啦走左落地....對住個屋企電話個邊低吟先既....

佢嗚左一陣....就開始吠.....仲係受驚個隻吠聲喇.....   (養過狗既應該知大約係點)

我就行埋去睇下會唔會有D小昆蟲....之類既野喇....

係冇既....隻狗都係好驚....諗住攬佢返上梳化喇....

一行埋去....突然毛管棟晒....寒到不得之了....

吃不消了....一手扯左隻狗過黎掟飛佢落梳化就行開....

跟住隻狗唔敢行過去.....係度係咁震......

到左十二點喇....聽完架勢堂.....

我執返好D野就返房訓....我成日覺得有D野係頭先佢對住吠個個位有D唔妥......

係我房門口塊鏡望左一下.....仆街,,,,,瀨野添.....

望倒有"個"白色衫既女"人".....好似係得上身咁上下.....

唔知係踎定飄左係個電話上面個位....即時打左個突....

我嗱嗱聲閃左入房面向另一邊訓....   (P.S.係正我房門口對住...對到正晒)