今日返到去....仲未有人@@"

過左咁"嘟"耐....又做左yle最早返去個條木嘴(個陣搭十一了)

等緊開門個陣....winki打比我.....

佢話佢個嘴個粒野....而家仲嚴重左....好慘/__\

咁佢就要請假去睇醫生喇....跟住我地傾傾下....

candy同阿占就返到黎....開門咁就入去喇....

過左陣....心尾拎住我副可愛既科學怪人返來了=v=

副野咁薄既....唔開住就咁放左埋一邊先= ="

然後好早就開始做野了....雖然今日好少人.....

joe、daniel、波利去左睇展....judy請左半日假....winki請左成日....

但係我為左唔比judy咁操心....都好生性咁做.....

英英又無啦啦叫我....同佢傾左陣....

搞左陣....flora叫我"由三樓上去二樓"同佢搞野=v="

我"由三樓上到二樓"....幫佢執靚左板野....

好似係d外購電....我地兩個都係運吉的....

兩個都唔識睇個箱係咩....之後我好叻咁....搵倒d箱既箱no.

好快手搞完....我就閃人.....咁就過左成個鐘.....咁濟....

返左埋位....tracy打比我....叫我一陣幫佢去荃灣走一趟.....

跟住再做多陣個report....就食飯了.....

食飯個陣....我同心尾兩個快快口咁食完....

就落去一樓同阿傑、師姐、peggy玩game....

我地玩心尾隻新game....跑馬仔....

好好玩.....又有少少無良.....勁好笑~~

之後夠鐘了....我去搵左tracy先.....

佢比左d $$....同埋d文件、地圖比我....=v=

然後我返返上三樓....judy返左黎了....

佢個樣.....都係死左既= =

之後同佢講左聲....佢好驚訝.....

咁之後我同完candy講聲就出發了.....

又落狗屎....有文件係身....想唔開遮都唔得= ="

之後搭火車轉地鐵....去到荃灣.....唔識路添= =

問人.....有兩個八婆見我拎住d紙.....

以為我做問卷.....媽的.....凸=3=

之後我死去問鋪頭.....個阿姐教我行過去.....

妖....仆街丫....原來轉左個彎就係.....=3=

跟住上去....上到去個間"山九公司"....個名好好笑....

d人聽電話好密.....第一句就"山狗".....笑到我丫....

等左陣....拎返d野就打比judy同埋tracy....話比佢地知我返來了....

搭搭下地鐵個陣....judy sd sms比我.....叫我幫佢買飽= ="

咁我又冇咩所謂既....返到火炭先買比佢...

收埋就返返上三樓....之後都差唔多五點囉....

飲左d水同埋比埋d野tracy就再開始.....傾msn=v=

同埋做野喇....心尾同我講.....

兩副野都到左....馬尼拉、新火車.....

咁我地就閃去喇.....去到之後.....我又撩戰棋妹妹....=v=

跟住叫佢拎到左個d貨比我地.....

心尾話要cut單....cut左未到個副種豆....

因為都等左好幾個月....另外佢個網友tony (唔係daniel細佬)

間鋪又有現貨....仲要平左廿蚊.....

之後心尾就嘈戰棋妹妹.....戰棋妹妹好驚驚....

嗱嗱聲打電話入去叫ann姐出黎.....

ann姐同心尾就開始嘈....我就係度偷笑....間中加一兩句....(火上加油?)

戰棋妹妹就好驚咁....寫下野....又望過黎=v=

之後時間都差唔多.....我要閃人....好肚餓.....

咁就出聲....調庭.....好....佢地收左聲.....

戰棋妹妹又寫左張新單....佢唔敢比心尾....直接比左我.....

然後就比錢.....我幫心尾出住先.....碌咭碌左成千銀...大出血=^=

跟住閃了.....同戰棋妹妹講拜拜=v=

心尾仲問我做咩講拜拜....緊係喇.....

ann姐上左年紀唔關事.....對住又後生又靚女既....

唔可以冇風度既=v=   (賤格=口=)

跟住心尾好快閃去會佢女人....我又好快閃返屋企....

返到屋企....食完飯沖完涼......開始做野了....T^T

做到十二點幾....卒之做好DE同JP.....比想像中快好多....

打埋日記....執好個袋.....好.....訓覺= ="