今日返工....架死人巴士又晨早走左= =

的士又等左好耐都冇.....嘍住下一班巴士到左....

又遲左到.....搞到遲左一個字><

返到去....個隻死肥豬唔係度....正啊.....

首先小整左D野.....然後落二樓執單....

執左七張單....執完就差唔多夠鐘食飯了....

仲有D時間就拎左兩張AU既單落一樓包先....

貼LABEL喇....唔算太多......原過本來係愛姐佢地做既....

但係佢地又好多野要做.....EBL個邊D電又一次過比晒佢地包....

咁我自己落手貼喇....反正係上面冇咩做.....整好左就夠鐘食飯....

食飯個陣玩左心尾推介左好耐既magic....

又同DANIEL玩左次日本既將棋...係心尾上次係日本買的....

都幾好玩....比中國象棋相比....諗既野多左....

但係行法都係有D唔熟.....又金將....銀將....

又有得變身....香車....飛車....桂馬....之類??

D名都唔係太記得....玩到夠鐘都捉唔晒一次= =

咁返埋位之後我就再拎左其中兩單落去....

又貼LABEL....D箱頭紙、PACKING LIST整好晒之後....

拎第D單整....一路整.....整到差唔多收工.....

咁就完成左六張單....淨返一張EU既....留返聽日先整喇....

放工了....同阿C一齊行返沙田.....

行到去禾輋....我地去惠康買野食.....

有兩個細路偷野....個警鐘一響.....

一條靚仔係咁跑....另一個就企左係度....話"佢走左去個度啊"

如果係零食既.....個鐘點會響丫= =

都冇貼防盜....呢D野根本都唔駛消磁既....一定係D玩具或者再貴D既野喇= =

百佳我又做過....惠康我又做過.....=V=

偷咩係個警鐘會響....我係最清楚....哈哈~~   (P.S.唔等於我會偷)

咁我地行去好運....阿C佩眼鏡.....同埋佩CON....

我都好想佩副有色既CON....聽阿C講仲平過冇色....(有點兒驚添=^=)

跟住我自己過去買過條尖刺手帶.....有返D野帶係手先舒服....唉= =

然後我地就走人了....