今日起左身之後....睇左一陣Z高達.....=v=

睇到十二點左右就熄機....等小boe打比我....

過左陣就出去....約左小boe係沙田等....

見倒佢之後就去食野....條友咩都唔食....想點=口=

最後去左許留山....食左d野....(p.s.佢)

就去大眾睇碟....冇佢想要既野....

跟住去無印同埋玩具反斗城= ="

之後就陪佢返返去火車站搭車....佢今次過黎....係為左咩呢= =?

帶左佢去車站之後....我自己返返過去實惠....

買左四個枕頭....一盒筷子....準備下星期佢地落黎....

拎住咁x多野....返返屋企....落車個陣....見倒某人....=v=

不過太重...同埋心地要上車....冇理佢了....

返返上屋企....放低左d野....坐左陣.....

同大姐出去吉之島....老母同佢今朝去過....話個度d模型8折.....

又話唔知咩17x蚊....好似都同市價差唔多.....

咁就去喇....去到....一睇....嘩....貴到仆街...=口=

sd個d都貴過出面1x~2x不等....1:144個d就大約貴4x~6x

1:100個d....唔好提....好似我上次買個部卡碧妮....我買240....佢個度賣32x左右....

連沙田個間仆街野....都係賣288....佢未免太貴...=-=

本來諗住放棄....好彩大姐話去樂富商場睇下....

佢送左條褲比我....哈哈哈....

之後行過一間都頗舊既玩具店.....一入到去....正啊=口=

入去放高達個行....好多啊=v=

一見倒有部1:100既強人....即搵住=w=

出面賣到斷晒....連總代理都冇晒貨....呢間咁既野居然會有....

仲要價錢唔係貴....229.....太正喇....

不過佢d價錢有d怪怪....好似唔係睇佢日本價...係睇個盒大唔大而定= ="

唔理喇.....呢部一野就賣喇....太正=v=

賣完同大姐去睇左d鞋....睇完就落去睇下吉之島另外展覽個d模型....

好嘔....我砌個d都靚過佢.....真失望= =

仲要最好笑....係部龜霸....個名比人叫左做"水蟹"

笑爆.....我同大姐講....唔知仲有冇膏蟹或者花蟹....低x能....

睇完d咁失敗既作品....閃人.....