今日比阿堅打黎嘈醒左......因為約左佢今日出去深水埗.....諗住拎堍板去整既.....

咁我就嗱嗱聲拔晒插落板個d線......同埋清一清d塵.....

之後就沖涼換衫.....跟住就走左出去......搭車出去......

出到去個個大廈.....個看更好好心咁問我地係做咩......

我地話比佢知搵輝煌間野....佢話比我地知間野搬左兩年有多......

然後佢話驚我地唔記得個地址....仲搵紙筆寫低新地址比我地.....

我地走左過去荔枝角......搵到個座野......上到去.....

個間野都冇人既....好冷清.....之後我地禁左鐘入去......

比左塊板個哥哥仔.....佢話換電容就唔駛$$$既.....但係檢查費就要100蚊.....

知道有咩問題就再加零件費.....計一計條數.....唔抵......

淨係叫佢換電容就ok......開埋單之後我地就過返深水埗.....

因為我計一計條數.....買左咁多野.....而家唔買埋.....

個堆野點算呢.....而且如果整塊板.....唔好計佢舊....仲要貴.....

乾脆買一塊新板....新U.....新RAM....買完就返沙田了.....

砌好左新機....SET好左部份野......阿堅就走了.....

係砌緊機期間.....有個電話打比我.....係大陸打來的.....

因為屋企電話取消左......佢地又知我手機.....就打比我......好緊張咁....

比左老母聽之後.....我同阿堅繼續砌喇.....到老母收左線之後.....問返佢咩事....

老母話比我知.....二舅母走左......今日三點幾個陣去既......

好似時間唔長......應該唔會走得太辛苦吧.......

佢地打黎通知我地.....同埋問下可唔可以返上去.....

我最得閒.....咁我應該會係聽日或者後日上一上去......

好唔捨得二舅母.....但係希望佢來生會做返人....健健康康咁生存.....

但係二舅母咁好人.......我知您一定會好快可以重新做人架.......