上文提要:
話說尋晚呢個殺龍巴斯隊....成員有我....阿堅兩公婆.....賓賓(<==又賤又廢既死gag佬)
一伙人係我屋企打機.....打左一整晚mother hunter......除左某君既無能都非常滿意A__A
而且好開心可以同賓賓一齊一路打機.....一路步進人生第一個二字頭......@@"
大個仔了......要比之前更加成熟.....唔可以再係咁怕麻煩的說....... <==改倒的話....= =
============================================================================
今朝訓醒.....岩岩拎個電話睇時間.....就收倒DADA既SMS~時間岩岩好.....仲夾過有夾定既...^^
跟住呆左一陣......開機.....睇攻略順便打陣機......打左一兩個任務就算了.....因為要傾計A__A
傾傾下收又收倒一個SMS......家姐來的......家姐妳仲記得我生日.....多謝妳啊~
不過.....我......雖然明大致上妳講既野......但係實際就......妳知我d英文程度......幾勁喇.....=w="
(日文我可能仲睇得明多過英文.....真混吉= =)
再傾返msn......傾到DADA出門口OFF左.....我都OFF了......又打機......打角龍.....唔識爆佢角.....淨係斷左尾就好了.....
再執正個袋.....呢個袋係老母同大姐夾份送比我既生日禮物來的.....如果第隻色我會仲鍾意~~但係都鍾意既~THX啊
好彩我早幾年已經開始叫佢地唔好搞D咁行既野.....又蛋糕又呢又路.....@@"
雖然今年卒之都冇蛋糕了.....可以話勁開心.....因為我係唔鍾意食蛋糕的說.......
但係取而代之既係......一打西餅......都係異曲同工之妙呢.....好彩係都唔太過甜.....=3="
之後差唔多時間.......我就沖涼換衫出門口了......今日打邊爐慶祝......賓賓同阿琪己經到左沙龍了.....
(P.S.死仆街又話去沙角....而家又去沙龍....正木嘴.....搞到我唔識路....A__A)
我去火車站接埋DADA.....一齊過去.....多謝DADA既禮物~~勁開心>333<
之後到左......我總係發呆的說.....賓賓您個仆街話五樓.....係四樓個陣開左門.....我係唔會留意出面的說=3="
您搞乜春野呢.....玩野要有個譜.......勁無奈的說......哼.....-^-
之後我同DADA埋位了......比左部NDS佢玩......NDS類我係唔識的說.....@@"
DADA玩NDS......好似真係幾得意.....不過我係覺得適合女仔玩......因為可愛型同埋唔會太多野要記.....要諗.....
而我就帶賓賓打電龍......我全程都係分左心去DADA打緊既GAME度......所以比電龍咬死左一次.......哈哈~
不過緊係唔怕喇......賓賓唔好死兩次就好了......但係打緊個陣......阿琪又詐賓賓型.....= ="
賓賓又扮晒發睥氣咁......大哥丫.....同檯仲有我同DADA兩個人架.....唔好耍花槍喇......嘔心.....=3="
期間亦打左幾次比阿堅......條仆街仲未出門口......真係......妖.......
佢地黎到個陣.....就係打緊機了......又唔食野......屎忽鬼.....=3="
兩個就掛住打機......另外兩個就總係肉麻到嘔又唔知點的說.....所以話我同DADA係最正常的= ="
全程都冇咩點食野......最衰個死人堅同阿宜掛住咩打機.......正木嘴......
(P.S.雖然我食食下個陣都有打一鋪蒼火龍.....但係我冇佢地咁木嘴)
到左唔知八點幾個陣.....DADA要去深水埗搵佢D FD囉.....好似話要幫手....
我送DADA返去火車站.....行到去華潤我見倒呂得勝......賤貨丫......
你打眼色比我都算喇.....或者就咁行過都算喇.....我都詐見唔倒你.....你個仆街仲要鬼鬼鼠鼠望去第度.....當見我好似見鬼咁= ="
本來都唔想理佢.....但係行前左兩步......見倒佢老母係佢後面......咁就唔同......A___A
大聲嗌佢....."勝哥"......佢嚇到成個人彈起.....之後好驚咁話遲D打比我......
哈哈哈.....咁多年都仲咁怕老母......我對住佢老母微笑點左一下頭就同DADA再行囉.....
不過諗諗下.....佢有我電話咩......我轉左電話之後都冇比佢.....佢真係搵我既......點搵呢.....A__A"
送左DADA入閘之後......突然好眼訓......返屋企了......今晚早D訓吧......唔打機了.....=w="
返到屋企.....第一時間就緊係睇下dada送左咩比我知......
衰妹係咁話我一定唔會鍾意.....又話好cheap.....不過係個傻妹親手整比我....
我一開左之後......一望埋去就係勁鍾意 + 勁開心......好靚啊......我係咁拎住黎偷笑......
點知我偷笑左成幾分鐘兩分鐘......我先發現老母係房門口一路偷睇我偷笑.....一路O嘴.....
正木嘴.....唔比人地開心咩.....唔計我自己買既.....呢份就係我廿年來最鍾意既禮物......><
最後......我要多謝晒同我講過生日快樂既人......因為.....今年既生日真係好開心>333<
============================================================================
後記:
前日定大前日......(失憶症發作中)我咪放左工去深水埗既......
就係為左買R4同埋記憶咭......個張記憶咭......係咩咭來.......係咪MINI SD呢.....= =?
去返熟左個個哥哥個間買.....另外個個姐姐都同我混熟左......A__A"
下次個哥哥唔係度都可以同佢講......佢認得我的說......嘿嘿嘿......但係佢好似冇咁易話為=3="
專登拎返部NDS出黎......試過冇問題就再搞到佢玩倒老翻......就係為左今日了~早抖>w<
二十歲生日特別篇....(完)
待續...!!
謎之音:等出年喇仆街.....口水多過茶=口=
(閃)
|
