BILLY生日快樂~!!

==============================================================

今日返到公司....我同JUDY、阿晶好忙咁準備點比驚喜阿BILLY....

例如生日咭、送比佢既禮物....我地夾錢送部IPOD比佢.....

跟住我又開始做返D SALES REPORT=*=

做做下...十一點幾個陣TRACY叫我去幫手....

過沙田銀行度搞野.....我十一點半出發.....

首先去左滙豐....排左差唔多半個鐘咁上下....

卒之到我....等個個"姐姐"搞掂...又成兩三個字咁濟....

跟住我去好運...我記錯左間交通銀行係南洋.....

而間南洋....我係知邊....但唔記得=V=

打返黎公司問下先....師姐又唔知....再問TRACY...

佢一話地下我就記得了....去排隊....

搞掂....又飛返過新城市.....去星展......

又排....搞掂....飛返公司....

本來諗住去龍城睇下有冇新個期ONE PIECE添...=3=

不過又唔夠時間....算喇...返到公司....

岩岩好五十幾分....比左D野TRACY....岩岩夠鐘食飯....哈哈~~

食完我地就落去一樓玩....玩左隻新GAME....

妖精傳說.....係一隻傳黎傳去....儲咭既GAME~

我個人覺得....不過不失....不過總覺得差緊D野咁...但算唔錯既

不過師姐同WINKI唔係咁鍾意玩....唔怪得佢地既~

玩完...上返去三樓了....做做下個REPORT....

TRACY又打黎搵我....叫我出多次沙田=*=

去到滙豐....仲多人過今朝.....排喇....

埋到去....JUDY又打比我....好似催緊我咁.....

頂丫....驚死我走去行街咩....個衰婆丫=口=

返到黎....休息左陣....同JUDY傾下計.....

咁就收工....嘻嘻.....

收工個陣...我落去會合FLORA....

等左陣....judy叫我地落去....會合埋noel、toby、chirsty

一齊打的過去富豪....我地五個開左間房.....(錦明同伯維而家做緊沙田neway...很好=v=)

嗌左陣佢地就到.....跟住都係我地唱多既...

整整下....好似去左靚聲xx廳咁....班野喪唱舊歌....-口-

我、flora、noel、chirsty....係呆晒既....eva同tracy都有唱下.....

跟住蛋糕、香檳都到晒....我地唱生日歌....

又開始嗌....嗌到十二點....比錢走人....

judy仲屈左人地一大疊野....好邪惡...邪魔外道黎架=口=

我地走喇.....返到屋企....一沖完涼就訓囉= =

今日一起身就面青青....出門口返工個陣....勁黑仔=3=

首先...又岩岩見倒架LIFT落左去.....

然後...架死人車又好死唔死...岩岩開走左....

我仲要係比平時早左幾分鐘出門口個下先嬲-^-

只有打的返去新城市.....返到公司.....

到搭半咁濟....JUDY都未返....我個陣同師姐係咁傾....

之後佢打黎....話要請半日假....個衰婆又唔夠訓喇....聽把聲就知佢又唔舒服= ="

跟住比佢個PW我....叫我開佢部機拎返八月份D SALES REPORT....

拎左之後...順手幫佢鎖機....跟住我就同佢地傾計....哈哈~

好彩WINKI提醒我....我落去拎返波利部相機上黎.....

(講起winki...轉左個新髮型...真係幾好睇~妳自己唔慣啫~唔駛擔心^^)

拎返星期六家姐LAST DAY影個D相....再比埋WINKI同心尾....

最後拎埋比師姐先....然後我就開始做個REPORT=3=

一路做一路傾MSN....仲上落左好幾次....到左食飯喇....

心尾幫我入埋副新火車D咭....我好Q論盡.....

整瀉左幾次水....唉....都唔知搞咩....

我地搭七先落去一樓試玩新火車....都好玩~~

D火車飛張張都唔同.....超靚.....

同埋又多左乘客可以拎分.....少左火車站....諗既野多左~~唔錯

初初幾驚買左返黎唔好玩....好彩都幾好玩唧=v=

我地玩玩下...玩到搭二先返返上去...幾驚比人鬧....

返到上去....judy返左黎了....個樣死晒....唉= =

我同佢msn係咁傾....當然係傾我地既秘密喇....哈哈哈

呢個秘密....聽日個日記先公報=v=

而另一方面...師姐為我帶來一個好消息....

佢話....經理同佢講....十月份....公司去旅行....會去日本>w<

好野~~我當佢係真架喇....好開心好開心啊~~

去日本超好~~又多靚女~~又多靚野賣~~好多度既風景又靚~~

100%期待喔~~嘻嘻嘻~~當然去唔成日本....除左大陸地方都好喇~

然後又做做做....估唔倒我做得咁快....=口=

到左收工....閃人.....返左屋企~~

沖涼個陣....我發現左廁所有隻大蜘蛛....=口=

我沖完之後....即時消滅左佢....但係事後搵唔返"蛛屍"

好驚....跟住搵埋首one piece既op5.....超感動啊>w<

即時將佢轉檔....同埋入落電話....set做鈴聲....

又同boe sms....死野.....咁燥.....為乜....=3=

今日一覺醒到十點幾....起身痾左篤尿....

再訓返....哈哈哈.....訓到兩點幾...起身....

開機....開bt....下載緊one plece=v=

開左機之後...傾左陣msn....睇左陣火影同埋one piece....然後沖涼食飯....

搞掂之後幫阿晶佢地燒碟....燒左個隻王子變青蛙= =

都唔知有咩咁好睇....d人又樣衰....=^=

不過算喇....反正唔係我睇=v=

之後我又同老母玩科學怪人....雖然而家用左隻鼻涕獸取代左-v-

太熱喇....終於捨得開冷氣.....哈哈~~忍左咁耐卒之開= =

跟住一路玩....玩到咁上下就打埋個日記....

可愛既星期日....就係咁無聊.....又要等下星期來臨=3="

今日....係家姐係PPL做既最後一日.....

都如常咁做野喇....本來....JUDY黑晒面....

但係我塊面仲黑過佢....因為我嚴重唔夠訓....佢串左我一野之前.....

我D臉色愈黎愈難睇....佢係唔敢出聲囉....

我地就傾MSN....又用公文袋入左送比家姐個張咭放係阿傑度....

再轉比師姐....但係唔係搞左好耐....

咁我都開始再做返七月份個SALES REPORT.....

今日之內....做左四個國家=口=

雖然係就係一個國家一個月....同埋都唔算多....

但係我預埋搞呢搞路....都淨係做得倒兩個多D....

十一點零鐘左右....家姐上黎....

我地影左幾幅相....心尾同WINKI又開緊會....

都冇計喇....只有放工個陣先再去影過....

係家姐上左黎既期間....師姐放左張咭入家姐個袋度....

之後佢落返去....我地又做埋D野....

到夠鐘....過左幾個字....一齊落去....

WINKI又借左心尾副馬仔...估唔倒WINKI咁好賭....嘻嘻.....

師姐....佢喊啊.....死人師姐....搞到我個心一路好酸.....

阿經理又開完會.....一齊又影.....

我一路都冇咩點出聲....因為呢D咁既時間....都變到好感性....媽啊= =

走個陣....家姐一路同我講野....我都唔係太出聲....

我驚.....男人老狗無啦啦眼濕濕....又唔係以後都見唔倒.....

不過真係好唔捨得家姐....T^T

為左家姐既前途同理想.....我地唔可以咁唔開心架....

家姐搵倒佢既理想....搵倒一份人工同福利都比呢度理想既工....我地應該戥佢開心嘛.....

返到沙田...我同WINKI落左火車.....

都唔知幾時....先可以再見倒家姐.....T^T

陪WINKI等到架車差唔多開個陣....我就閃人.....

我跟住就去左買碟...大量吉既CD-R....同埋DVD......仲有套仔

買完就閃人....岩岩好搭倒架282....好彩~~

落車個陣....見倒佩儀啵....傾左兩句....佢老豆就黎到....

然後佢地上車喇....我就閃人囉....

今日返到去....心尾請左假....我又係做返個d野....

不過冇耐之後....有兩個裝修佬上黎....

整返廚房.....同埋整會議室.....仲有男廁....

食飯....拎副科學怪人落去玩....

又叫左比薩....正啊....

我、winki、家姐、師姐、阿雪、daniel一齊玩...一齊食...

為左同家姐送行....可以咁講喇....

佢聽日last day...聽日應該都食唔倒...所以提早一日喇

跟住我地食完....走人喇....

返到上去.....又係咁....

唔知幾多點....整好晒d野.....

我同judy一齊整返好d野....同埋拎左個個臭箱出去....

拎左出去.....過左一陣.....

就收工喇....返到屋企又冇咩....

除左....鬧左boe一餐.....唉....

細佬啊....我真係好心痛妳咁先鬧妳囉....

============================================================================

1 傳俾你既人係邊個? 
   boe
2 佢同你既關係? 
   兄弟(妹?)
3 寫出你對佢既5個好印象? 
   得意
　 搞笑
　 同我一樣鍾意唱歌...
　 聽我話(有時)
　 都ok乖既(間中)
4 佢對你做過最深刻的事? 
   比我夾手指....
5 佢同你講過最深刻的說話? 
   阿哥...我又界手....   (之類)
6 如果佢變成你既情人 , 佢咩野令你鍾意佢?
　 得意啩...= ="
7 如果佢變成你既情人 , 佢有咩要改? 
   諗野唔夠全面...
8 如果佢變成你既敵人 , 你會對佢做咩?
　 踢飛佢...
9 如果佢變成你既敵人 , 佢咩野令你咁憎?
　 花心...唔識諗=3=
10 依家你最想佢對你做既一件事? 
   發自內心咁笑喇
11 給關心自己、喜歡自己的人大喊一句吧! 
   加油啊!!

============================================================================

1 傳俾你既人係邊個? 
   敏
2 佢同你既關係? 
   FD
3 寫出你對佢既5個好印象? 
   諗唔倒添=v=　
4 佢對你做過最深刻的事? 
   抓我...之後我同老母講比女抓= =
5 佢同你講過最深刻的說話? 
   我愛你= =?
6 如果佢變成你既情人 , 佢咩野令你鍾意佢?
　 玩得
7 如果佢變成你既情人 , 佢有咩要改? 
   界手....雖然唔知仲有冇= ="
8 如果佢變成你既敵人 , 你會對佢做咩?
　 都係踢飛佢
9 如果佢變成你既敵人 , 佢咩野令你咁憎?
　 暴力傾向=廿=
10 依家你最想佢對你做既一件事?  
   上我屋企XDDD

================================================================

1 傳俾你既人係邊個?  
   魚
2 佢同你既關係?  
   姊(兄?)妹
3 寫出你對佢既5個好印象?  
   咸濕....
　靚女
　聰明
　都算識諗既
　聽我話=v= 
4 佢對你做過最深刻的事?  
   唱k個陣踢我=口=
5 佢同你講過最深刻的說話?  
   冇喎= =
6 如果佢變成你既情人 , 佢咩野令你鍾意佢?
　 同我有d似....性格方面
7 如果佢變成你既情人 , 佢有咩要改?  
   除左我邊個都唔可以咸濕XD
8 如果佢變成你既敵人 , 你會對佢做咩?
　 繼續踢飛佢
9 如果佢變成你既敵人 , 佢咩野令你咁憎?
　 喊包
10 依家你最想佢對你做既一件事?  
   同敏一齊上我屋企....哇卡卡卡XDDD
-----------------------------------------------------------------------
12 把這份問卷傳給你最想知佢地對你咩感覺的

BOE...敏....魚佢三個好了=V=
(P.S.我預左....遲D去屯門會準備受死-____-)