今朝好早起左身...因為太興奮喇....
NANA首映>w< (第一日係沙田UA公映)
等左幾個鐘....係時間動身喇....
出左去好多人啊....買左飛我就落左去新基地行左一趟....
同埋買左包維他奶=w=
12:09就入左場....入左場兩個字就開始....
好好睇啊...初初我幾驚會失望....
但係我覺得唯一可以不滿就真係角色問題....
女仔就全部都好靚....男仔既就比較差d....(個人意見)
同埋漫畫有d搞笑既位都冇拍=3=
而且有幾幕係好感人...例如娜娜企係台下睇蓮唱歌...之後諗返分手前既事....
又好似奈奈發現章司有左幸子....娜娜想打章司幫奈奈出氣戈幕....
真係好感人....
搞笑位都唔少既....型既就講真....成部電影都好型....
造型全部都好正....
片長差唔多兩個鐘....11x分鐘
好正....不過我都係縑太短喇=w=
散場之後我就過左去好運....
一次過釘左兩個耳窿.......係左右各一個=v=
而家我左邊耳有四個...右邊耳有兩個.....總共有六個耳窿....XD
勁興奮.....連入屋個pw都唔記得左=3="
勁瘀....有個阿婆仲話"咦...做咩開唔倒門既"
我心諗....我都冇入密碼....個食蕉又冇開門....妳入倒我就驚喇....
之後好瘀咁話...."仆街喇...唔記得密...."
話口未完....個食蕉就禁左開門= =
返到屋企....見倒仲有一個麥提莎吉包.....
下星期再睇多次nana.....呢個真係好值得推介.....
等佢出左DVD我一定買....
所以又係個句.....係好戲既怕咩冇人去睇呢....
=========================================
之後食完飯....無啦啦咳得好勁.......
咳咳下....無啦啦嘔左兩次=3=
唔知點解...嘔返晒食飯食左既野出黎= =+
休息左陣就開機....妖.....冇人既....
睇大唐雙龍傳......睇左兩集....再開msn....又冇人架T^T
淨係得幾個而家冇傾計既....同埋一個唯一被我封左既人on左= =
頂....再睇多集.....睇完再開msn.....卒之見倒楠楠同埋森on左.....
可惜傾左幾句就要比我家姐= =+
佢玩咁我又冇咩事....去煮左個麵食.....
計計下....好耐冇食過麵= =
之後我同老母一齊做左件好賤格但係又唔怪得我地既事....
就係因為樓上條粉腸成日一係掟野落黎....一係吐啖....
一早又成日嘈到死.....同埋又將d衫...床單等等"浪"出去就整到蓋住我地露台一半有多.....
今次夜麻麻整倒塊死人野落黎....本來我望一望出露台....
嚇死我啊....我仲以為有鬼....睇真d原來係張床單=3=
然後我叫老母睇下....佢本來想扯左佢落去....
但係扯唔倒喇....我火起上黎就吐左兩啖口水落去= =
之後玩得慶起....老母拎左樽洗潔精係咁噴過去= =
我又拎左d鹽掟...當佢鬼咁XDXD
然後又吐多野口水.....
我老母又唔知點解會搵倒可以噴d水噴得好勁既樽黎....
入左d地板用漂白水落去....我就拎左黎係咁噴>w<
報仇咁報....爽死 |
