今日晨早六點幾就醒左....可能因為掛住今日要去見工啩.....
但係一野就訓返.....訓到八點四先起身A__A
起左身就肚痛.....又去痾喇....賓賓打黎問我而家做緊咩....只有話比佢知痾緊屎.....收線先吧喇-__-
收左線繼續爆.....痾到九彩.....做乜D腸胃咁差.....痾到隻眼好慶=^=
痾完.....順便沖埋涼換衫.....賓賓又打黎=3=
話去睇左醫生先喎....因為條仆街今日請假....又驚打返公司....叫我扮佢老豆=口="
先生....我明明細過您兩個鐘出世啵.....又冇小過令壽堂.....做咩叫我扮您老豆=3=
之後唔理佢喇.....我自己搭車過去石門.....條友又叫我幫佢打電話......
明知我唔講大話喇....仲要人地明目張膽咁講.....人家怕甩大牙的說咩>V< <==史上最大既大話
識左咁多年....破例幫佢講一次大話喇....係我先咁好人A__A <==超假的說
幫佢打左個電話之後同條友講
我:"喂....麻煩您....陳經理丫...."
佢:"哦...陳經理唔係度啵....請問您邊位搵佢咩事呢?"
我:"哦...咁樣丫....我係BENNY個爹地丫...我想幫佢請一日假既....我已經叫左佢去醫生架喇....
我叫佢聽日補返張假紙比您地丫"
佢:"哦....好丫...我幫您同佢講丫...."
我:"好丫...唔該晒您....."
佢:"唔駛客氣....拜拜"
我:"拜拜"
一收左線....忍唔住笑....打返比賓賓....爆笑中....
笑完就上去IN了.....首先既一件事....就係....除左個唇環....
跟住入到去.....尋日打比我個個女人好搞笑=口=
個樣好似以前PSE個"西DI".......年紀唔知喇....佢係仲KID過家姐同埋阿C....XD
之後入左房填野....又要人地作文....冇銀野吧=口="
我申請做倉文咋喎.....又唔係做咩.....駛唔駛叫人作文=3=
仲要話最好作埋英文.....發你個神經......俺是英文白痴的說=^=
填好左喇....佢又叫人事部個姐姐仔出黎同我IN.....
死人咁既口面.....想點.....又問呢樣個樣都係正常.....
問人地係舊個間野做左咁耐請左幾多日假......死人都作細少A__A
跟住佢又話唔主張人地請假.....同埋一年得個四日病假= ="
大假就做夠一年先可以用....要扣錢咁請事假都唔比=口="
又話日日都要開OT.....但係OT就有錢的...... <== 總好過某公司OT冇$$
咁講左一堆廢話同埋介紹左公司D野....公司D野係咁既.....
底薪6K....返5.5日.....長短週.....放紅字.....
底薪6K的話.....閒日OT就32蚊一個鐘.....假日OT就37蚊一個鐘......
返0900~1730....不過一定要OT.....O到起碼2100之後.....仆喇= ="
唔主將請假喇......就是說.....間接唔比囉.....
大約就係呢D.....個人事部既黑面神走左之後.....又叫左個管倉的來IN.....
老例問左一堆廢話.....再問多佢多D公司既野.....佢講既如下喇
個倉冇冷氣.....
人工就加都唔會加得幾多.....最多1~2%....如果加的話....
所以底薪點加都唔會踩倒7字頭.....升職除外....
不過升職機會.....接近零....有勁多人都係做左年幾兩年或以上...都係原地踏路.....(人工&職位)
日日都要OT喇....十二點前多數都可以散晒.....= ="
棟大廈3~7樓都有佢地公司既倉.....
條友就帶左去4樓倉.....睇下個環境同埋倉既寫字樓.....
個所謂既寫字樓.....又細....又亂.....
跟住入左個倉.....好大喎.....又有鏟車.....而且仲好熱添=皿=
冇冷氣....算.....我唔介意.....但係起碼有窗丫.....窗都冇個....想點先=口="
入左去一陣我已經成頭大汗.......個背脊又濕X晒......
好彩唔係太耐....耐就真係死比佢睇.....仲話一日係個度成十幾個鐘=3="
之後就走喇.....咁落到去打返個電話比賓賓...問佢係邊.....
又嘈到咩咁.....聽唔倒佢UP乜.....CUT佢線就算了.....
打返個電話返屋企.....講左少少....佢地已經叫我....請左都唔好制......
好似仲剋薄過幫阿董打工個陣......諗起比兩個仆街無啦啦炒左搞到而家咁煩就火起.....
我自己走就由自可......起碼我有咁既準備先走.....而家咁.....唉......唔諗佢=3=
返到車公廟站.....賓賓係度啵.....出閘喇.....本來係想上我度玩新GAME既.....
但係我老豆係度.....廢事失禮我同埋唔想比佢同埋老母煩.....影響打機既心情......
想去沙田既.....但係佢又話如果去大圍就好.....我有咩所謂.....條仆街又懶行=皿="
又入返閘.....咁就廢費左幾蚊....死仆街.....不過三個幾我豪得起=口="
等車個陣見倒坤池.....本來我地唔認得佢架.....
但係佢認得我地....首先就話認得賓賓既.....之後走過黎~
佢讀完中四冇讀之後.....係中五成班人去長洲個次見倒佢之後.....
一路都冇見過喇.....條友而家勁高-口-"
同埋電左髮.....又穿左幾個耳窿...... (P.S.本大人穿過11次耳....1次唇環的說XD)
佢而家返工....好似話係又一城返IT.....做SALES的說.....
羅震波....丘仔....阿兆.....都係同一間公司做SALES.....不過有D係又一城...有D唔記得佢講邊A__A
岩岩有火車....佢就過左去先了.....我地慢慢行再一路傾計.....
又一次驀然回首了.....哈哈.....諗諗下以前D FD.....
講到呂得勝比坤池打.....爆笑......又講中一個陣.....呂得勝喊晒咁拎張檯車埋滕仔班野度....再次爆笑.....
講佢比我地打左好多次.....又爆笑多次.....笑到收唔倒口.....
行行下入左機鋪.....個死仔係都要拉我玩一鋪GUNDAM.....=3="
反正又冇人玩緊.....唔緊等...同埋唔係我比錢....陪下佢囉A__A
死仔....玩街機我係少.....但係高達我可以成日玩PS2的喔.....
不用係隔離嘈之巴閉的.....我一次都冇死過....就知喇A__A
之後佢去左打鼓.....老例....我係後面睇.....哎吔~~輸左丫A__A?
不過我咁好人.....唔串佢.....淨係諷刺佢=V=
咁就又去返搭馬鐵.....屌.....係沙角個站落車....等佢條女.....
佢條女未放學之前....四圍行.....又買野飲.....再次講呂得勝D野XDXD
游左陣魂.....終於夠鐘喇....會合左佢條女之後.....
我唔做電燈膽走人先.....當然....呢個理由係事實.....
不過行左咁耐.....尋晚整親個位已經好痛.....佢地行去沙田食野.....
我就行返屋企....等得車黎....我都返到去....反正行過曾大屋上返黎就係了=木=
返到屋企.....傾左陣......開機.....上網再搵....SD左兩份....
無啦啦有人打黎我屋企搵我....仲係女孩子來的.....
我聽左之後第一句心諗...."隻BOE而家做咩會打黎既....同埋佢點知我屋企電話架?"
原來唔係....係中學同學~思雅豬~ (P.S.哥斯拉!?)
個衰妹又無啦啦打比我既....好似中三分開左.....唔同班之後都冇咩點聯絡過了.....
好彩既係.....個屋企電話由小學到而家都冇轉過A__A
同埋個衰妹又好彩.....佢遲多幾個月打黎就打唔通了.....
因為我地要CUT左個固網電話.....到遲D約滿連上網都CUT埋.....轉公司=V=
說話回來先.....我地傾喇....傾下近序....同埋約出黎食餐飯丫~見返下面咁喇~
衰妹又幾好野.....而家做緊admin d野.....就算係assistant都好野啵.....
傾左若干個字....交換左電話.....佢之後又叫我有時間打比佢....
不過佢之前講.....個電話冇交電話費.....收左線...我先醒起.....我點打比佢呢=333=?
唔理住了....好開心啊.....同返以前d fd有返聯絡....雖然係就係得兩個=口="
沖涼先....沖完涼阿敏又打比我.....佢真係瘋狂的說....增值左係幾多日前既事呢= =?
咁快冇晒......好無奈喎.....一定又sd埋d唔同台既sms喇....唉= =" |
