今日一早就要起身去機場了....去到機場我係第一個到= =

之後就係小飛飛....跟住係波利同阿欣......

跟住d人都一路黎到....我地係導遊未到之前....

都影左d相.....到左導遊黎左.....佢姓霍....我地叫佢做"fox生"

我地就過去比護照佢....跟住就過去將d行李寄倉.....寄完就等導遊搞完d手續.....

我地就入禁區了....入到去就食早餐.....

食完就準備上機....上左機....我坐窗口位=v=

睇住架野起飛....好開心=w=""

之後玩game同埋睇電視....睇左一部古巨基 + 張柏芝 + 元華元秋既無聊野....

同埋睇king kong....咁就差唔多到日本了....三個鐘機程.....

到左步之後....我地就去出境喇.....同埋拎返d行李.....

心尾係機場好快手的買左本咸書=v=

我地又影下相....跟住就上車了.....坐左幾個鐘車.....

去到一間便利店....買左d野食同野飲....

放輕左d就上返車....再向和歌前進~~~

到左酒店...我地既酒店係"和歌山紀南 Royal 溫泉酒店.....

分左房之後就上去安置D行李同埋換左件浴衣.....係咁影相.....

同埋去左樓下個個鋪頭睇野同埋試食....好多野都好好味....

但係我地未買野住....因為差唔多食飯了~~

食晚餐係紙火鍋 + 天婦羅....唔係太岩我地口味-___-"

所以感覺上都麻麻.....食完就睇人地炸雪糕.....

又同"長期糧尾"同"淮山杞子".....(兩個日本姐姐....淮山杞子比較老.....長期糧尾都ok的說)

食埋炸雪糕就去買野.....買左包海底深層水.....

FOX生話可以用黎飲或者敷面....返返上房.....就等阿B叔一伙老餅浸完我地就去浸溫泉.....

我、小飛飛、心尾、阿ROY、阿傑一齊去浸溫泉.....

去到之後....初初大家都好似有點兒怕羞.....

但係大家脫晒.....就冇咩野了.....大家都係咁上下XDXDXD

去到沖涼....洗完身之後就落水了.....好舒服的說喔>v<

阿peter而家先黎.....一齊浸左陣熱水就過去凍水個泉....過下冷河....但係好凍=口=

跟住我地入左去乾蒸.....熱到不得之了.....= =""

蒸左陣頂唔順....飛返出去浸凍水......

浸完凍再浸多陣熱.....咁就上返去沖身....同埋著返衫走人.....

跟住返返上去.....飲左盒牛奶咖啡.....人生一大快事>w<

過左冇耐上去阿c同阿roy間房....佢地加錢要左個"哈囉吉蒂"房.....

我地上去到玩驢仔....一大班人玩....

到十二點就個個都閃晒....返返房.....

小飛飛同埋阿傑就去左我同心尾間房睇波.....

個人意見係覺得佢地好很嘈......因為我唔睇波的說= =""    (p.s.淨係一種波除外)

佢地嘈完我就想訓....但係心尾比我快訓著=口=

佢d鼻鼾....係嘈到我訓唔倒.....好辛苦先訓倒=^=

加上又水土不服.....成日都肚痛.....唉T^T

第一日既和歌山之旅....就係咁過左了~~

今日返到公司...都係好興奮的說.....

一路慢慢的做下個sales report....

同埋落下去搵阿CV佢地傾計....

又傾下聽日日榻之旅既野....期待中~~

今日返到去之後.....winki請左半日假....

咁我就等judy比野我做喇....等緊個陣傾下msn.....

之後去完廁所....見倒阿c鬼鬼鼠鼠落去....

走埋去叫佢一聲.....佢嚇到差d跌飛落樓梯=口=

陪佢落埋二樓比通告閪di....見倒二樓有個新同事.....

師奶似的....咁既年紀冇太大興趣撩佢....HAHA.....

返返上三樓就更新左個yle ship....加返D野落個SALES REPORT....

新整左個表....係個yle product line.....既野....同埋一個表....

又整左d 返大陸既sample....同埋用速遞送貨去日本既單....

係咁上下喇....咁就過左個上午.....winki又請埋下午.....

咁到食飯個陣....個死肥婆聽倒我聽緊HOCC首"願我可以學會夜低你"

又叫我SD比佢.....好X煩囉....算喇....SD左比佢.....

佢又問我聽過楊千嬅同埋梁漢民合唱個首唔知咩.....

又呢首個首....我只好詐聽唔倒....食完就詐訓.....

但係個仆街又開到鬼死咁大聲.....嘈住晒.....

仲要跟住唱先恐怖.....仲慘過劏雞咁聲=口=

詐詐下訓....都訓著左....訓訓下....又有條友打黎....係個大陸婆....搵CANDY的.....

CANDY又唔乸聽電話....成日都係咁.....

唔係唔聽....就係傾緊電話....一係行開左....都唔知有冇搞錯....

人地明明有急事搵佢.....又搵唔倒....唉= =

之後我叫佢覆返條友....唔理了....又訓唔倒....

去心尾度玩個隻FLASH GAME....打仗的說....幾好笑....

睇佢玩完....我就返埋位.....繼續好似今朝咁上下既工作....

JUDY又比個死肥豬煩....所以都幾忟.....(ME2)

到左放工....去沙田睇下D風褸....後日過日本個陣著.....

但係人地都未有貨.....大熱天時....冇計= =

買左兩包DVD就返屋企.....玩左陣電腦.....同睇電視....

跟住執行李....執左一陣....再開機打埋日記.....功成身退.....!!

今日返到公司....我同winki、波利又傾去日本d野....

隻死肥豬一返到黎....我就閃左.....winki都好快閃左.....

之後judy sd左個sms比我....話比我要請半日病假....陰公....

阿tracy走左上黎派手信.....(p.s.得candy....同埋一個唔識的有份)

我地就問佢點.....又話和歌山....成個長洲、大嶼山咁= =

阿joe就一句"屌....我都住係東涌喇".....之後又話第二日個個咩千疊敷.....

成個東坪洲定唔知邊叉邊咁.....嚴重無奈.....

跟住我係冇野做....好老實咁同阿joe講我完成晒野....

適當時間要以退為進....等佢唔好聽埋d人講我點點點囉....

之後佢叫我問下佢地有冇野幫手....我問心尾....

因為我唔太想做波利....同埋daniel d野.....= =

更加唔想同壇死肥婆有咩接觸....在工在私都一樣!!!

所以心尾就算話冇野可以比我幫手= =

都問佢借左本書....自學下d flash....同埋有唔識問佢同winki.....

WINKI又教左我整個個射燈.....

跟住又同家姐MSN....就咁就過左一個朝早....幾充實....HAHA

食完飯....我地冇落去....係上面又傾=口=

JUDY過左陣就返到....個樣寫住唔舒服.....=皿=

跟住我睇多左陣本書....JUDY就叫我去隔離拎返D貨.....

同埋落下面搞埋082EU張單D貨.....係我離開既時間....

條死肥豬已經煩完JUDY....聽唔倒佢煩既聲音....感動中.....

而係下面....我見倒阿晶....佢個額頭.....已經刻住"冇精神"係度....

跟住又傾D纜車....好好笑....佢話海洋公園個個都驚險過佢......= =""

然後整埋就返返上去....JUDY又冇野比我搞....我只好MSN....加睇書....=口=

又叫心尾試一次個FLASH.....整左個好爆笑既野....

係度飛黎飛去....笑到PK.....跟住收工....

準時閃人....返到屋企....沖完涼食完飯.....

就裝返個Macromedia套裝.....整左D FLASH....(P.S.冇SAVE)

好開心啊.....佢地教我個D....我都整倒~~

但係都係得個兩個效果.....要比心機試多D先=v=

同埋睇個"蓋世孖寶"大結局....好感人的說T^T

今日....一早就行罕天雷......嘈醒左就返公司....居然未有人開門....

之後阿波利返黎開門.....佢個死野又叫我幫佢下載歌....

唔緊要喇....比人拉咪話係佢指使我囉XDXD

跟住我見倒英英ON左....問佢原來返左黎....

做埋手頭上做緊個個國家既SALES REPORT....

我就落左二樓搵英英...傾左陣...HAHA

阿欣打電話叫我落去地下停車場幫阿石推D死人電池粒上車.....

重到仆街....要分返兩板....分完....推上車....

三個麻甩佬推都重死左.....完成左呢板野之後....

成身都濕晒....滴晒汗....慘過落大雨....=口=

之後就返返上三樓飲水.....本來想做我既REPORT....

條死SO肥一野截住我....一輪嘴咁係咁問我.....

我成身大汗....係都比我休息下先煩喇....仆街啊....

係咁問我換貨點點點.....食屎咩.....

JUDY叫我點做...我就點做喇....

有咩咪等佢聽日返黎先煩佢喇....食SH*T大的.....

之後我就又借D意落去....又係二樓.....

一路對住英英同埋FLORA發牢騷.....之後差唔多夠鐘....

我先上返去....之後好趕地做D REPORT.....

但係都食飯了....食完飯....同WINKI玩左幾鋪外星人....HAHA

之後就趕住做REPORT....因為事前我諗定晒D野....

都可以慢慢地做....安安心心做到收工....等聽日JUDY返黎....

點叉知....死SO肥就又叫我....><

佢又話換貨點點點....個邊D人SD個黎個成本點點點.....

又話又D貨明明取消左....咁我冇入落個表度....又計錯晒D數....

又話D新貨.....要一次過加入去....妖....仆街啊.....

我比佢煩左差唔多兩個鐘咁濟....我嚴重想扁佢一餐.....

我講左N咁多次....等JUDY返黎....先問佢喇.....

同埋講左比佢知....JUDY冇同我講過....冇教過我呢D....

佢仲要死煩....煩都算喇....唔好郁手郁腳丫....

仆街....無啦啦又拍過黎....同妳好乸熟咩....食屎大....

都唔乸知係咪借D意非禮我....仆佢個臭街丫......

我愈行愈過....唔好撚掂我就OK....煩都算....凸= =

之後我死趕埋個個REPORT.....趕到拉屎.....

又屎忽痕....無啦啦比阿JOE同DANIEL叫我出去幫手試野.....

兩條木嘴掟箱落地試....砰砰聲= =""

跟住幫埋佢地手檢查返D車同個盒有冇爛....

搞掂就趕埋個REPORT....放工前都趕好.....呼~~

然後陪阿C行返沙田....買野....為左買濕紙巾.....

我地行左百佳....屈臣屎....唔知咩化妝品店....萬寧....馬莎....無印同埋西田= =""

係西田卒之買倒....然後閃人.....返屋企食飯睇電視....

見差唔多時間....SD左個SMS比JUDY.....

佢過左陣就打返比我....傾左陣佢去完日本D野....

就開始同佢講返今日個死肥婆點煩既野比佢知....

叫佢有心理準備聽日條仆街會煩到嘔泡泡.....