| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 4 月 22 日 星期日  |
．．．《十分愛》．．．  |
尋日約左幾個朋友仔一齊去左屯門睇戲，
因為之前睇到《十分愛》既電影預告，
所以就想睇∼！！
唔知會唔會好似《獨家試愛》咁好睇呢？
唔通又會係另一個「催淚彈」？
我同一個朋友早左好多到左屯門，
（大約兩個鐘度啦∼！！）
所以我地就去左行下街睇下野先∼！
當然，女仔話行下街睇下野既話，
都一定會駛＄＄架啦，
呢ｄ係人都知啦∼！（哈哈！仲駛講既！）
最衰就係明明講好左睇四點半架嘛，
點知又改，仲要係我地已經上左車∼！！
唉∼！有種俾人「耍」既感覺∼！！
我行左一陣仔，唔駛二十分鐘，
就已經買左隻電腦遊戲，
係呀，就係《大富翁8》囉∼！！
我一向都好鐘意玩大富翁系列，
所以呢個又點會例外呢∼！！
大富翁咁多種類，
我大部分都玩過晒∼！！
早成四年前我已經玩爆左既《叮噹大富翁》，
竟然而家呢一、兩年先俾人覺得佢好玩，
真係．．．
我都已經玩到悶啦，而家先來話玩，
唔好玩啦∼！！！
都傻既∼！！
行到咁上下，（大約五點幾度∼）
我地就去左買飛先，
緊係啦，睇影評ｄ人話好好睇，
咁實有好多人睇啦，
加上上次《獨家試愛》又好睇喎，
咁就一定更多人睇∼！
點知一去到戲院排隊買飛既時候，
就知「出事」啦∼！
因為我地唔記得左買飛先再行街，
所以而家得返前排個幾行既位揀∼！！
唉∼！！
於事乎，我地就買左前排既第四行！
啱啱好個度有４個位∼！！
到左正式開場既時候，
成個戲院門口既人都係等緊排隊入場睇戲，
個個都係等緊睇《十分愛》！
好好好多人∼！！十分咁多人∼！！
由開場到散場，
我發現戲入面講既幾句對白好啱∼！！
「呢個世界咩都係掩眼法，你睇到既未必係真；
真既又未必比你睇到」
「唔相信所愛既人，唔相信愛情既人，係永遠得唔到真愛既...」
無錯，我好認同以上既兩句對白！
有時你睇到既野未必係真，
因為你可能只係睇到事實既一小部份，
而唔係事實既全部，
所以有時誤會既野就係咁而產生∼！
正如戲入面既啊祖同啊寶咁，
啊寶見到啊祖俾一個女仔拖住，
就以為個個女仔係佢女朋友而放棄左佢！
但係有時俾你見到事實既全部咁又點呀，
人始終都係有限既，
如果真係事實不可強求既話，
又何必知道事實既全部，
事實既真真假假呢∼？
正如ｄ人成日平時講既咁，
「人生如戲，戲如人生」
「真亦假時，假亦真」
真與假，有時真係幾難去分辨出來既！
|
| 刊登時間：2007-08-05 03:56 PM [ 訪客留言(0) ] [ 編輯日誌 ] [ 分享至FACEBOOK ] |
« | 295 | 296 | 297 | 298 | 299 | 300 | 301 | 302 | 303 | 304 | ... | 470 | »
|
