| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2009 年 2 月 13 日 星期五  |
| ．．．哭．被感動了．．． |
很久也沒有哭過了，
然而昨晚我卻為了一些瑣碎事而哭了一整晚，
哭得眼睛也腫了起來，
腫得把雙眼皮也變成單眼皮！
頓時覺得自己變醜了！
為什麼我要為這些瑣碎事而哭得那麼慘呢∼？！
真傻！
可是這個連我自己也不太清楚∼！！
剛剛在網上看見到一篇由醫生所寫的手記，
內容雖然簡短，但卻感人，
為此，我又不禁流下眼淚了！
看完了以後，發現原來「謊話」也有美麗的一面！
雖然不知道這篇文章是否真有其事，
但故事卻令人感受良多！
令我們明白到何謂「愛」！
有一位老婆婆個子唔高，但係好肥，行路既時侯需要拐杖支持。
每隔兩個月老公公都會陪老婆婆到醫院覆診，因為老婆婆患有高血壓。
某夜，老婆婆左邊身麻痺入院，經過電腦掃描顯示右腦出血。
我如實話比老公公知，佢無出聲，只係無奈咁望住我，淚水已經湧現。
第二朝，意料之外，老婆婆既情況唔係想像中咁壞，而且頭腦清醒。
入院之後既第五日，老婆婆問我:呢兩日伯爺公點解無黎探我既?
一個實習護士話比我聽，早兩日老公公突然心肌梗塞，住左響對面既男病房。
兩老無兒無女，最親既都只係姪仔。
今日，姪仔帶左兩樽果汁黎醫院，先去探老公公，再去探老婆婆。
過左幾日，老公公既病情剛剛穩定，就嚷住要出院照顧老婆婆，
經過一番溝通之後，主治醫生諗左一個折衷辦法:
首先老公公換番自己既衫，坐住輪椅，由工友推到女病房門口，
而為左安全起見，醫生護士都要跟埋老公公一齊...
老公公蹣跚地企起身，手執果汁，走到老婆婆床邊:買比妳飲嫁。
老婆婆嗲起黎:呢幾日唔見你既伯爺公，咩事呀?病左咩?
老公公微笑:唔係呀伯爺婆...姪孫結婚啦，我要幫佢打點一下嘛。
呢一個，係我咁耐以來聽過最動人最感動既一個謊話。
人生就好似變幻莫測既天氣，雖然可以預料，但往往都出人意表...
老公公既心臟日復日咁康復，準備出院那天，病情突然惡化，撒手塵寰。
姪仔辦理完死亡證明之後就黎搵我，要求暫時唔好話比老婆婆知，
因為老公公死前遺言:照顧伯爺婆，唔好話佢知我既事，唔想佢受剌激。
呢個時候，無一個在場既人唔感動唔流下眼淚，包括我.....
當日我巡房既時侯老婆婆又問:伯爺公D果汁喝晒啦，點解佢又不見人?
護士強忍眼淚:妳唔記得左咩?姪孫過兩日結婚啦!老公公要幫手嘛。
第二朝清早，我發覺老婆婆床頭多左樽瓶果汁，聽到護士同老婆婆話:
老公公剛黎過，佢見妳訓得咁甜，唔捨得叫醒妳，放低果汁就走左啦。
當護士一轉身發覺我企響度既時候，立刻雙頰通紅。
我微微一笑，拍左佢膊頭一下，慶幸佢果顆愛心，不為歲月冷卻。
當日下晝，護士長察覺坐響梳發對住窗望風景既老婆婆無左呼吸，
我迅速跑去一手抱起老婆婆，再聯同護士將婆婆放上病床急救....
搶救二十分鐘之後，我宣布失敗...
我一邊寫報告記錄，一邊諗起「陪著你走」既一句歌詞:
如果，走到這世界邊端，我倆已是無力前行，跟我一起飛去.....
護士長走過黎同我講:估唔到妳咁大力，一手就可以抱起老婆婆。
我只係報上微笑，因為我已經唔想講任何野，我怕我忍唔住眼淚....
老婆婆的確好肥，但係好輕，因為佢既靈魂已經跟老公公飛走左啦.....
但願我也能夠找到一位如此的老伴！
願各有情人終成眷屬！
記得祝我生日快樂呀∼！！！
^_^ (情人節喔！)
|
| 刊登時間：2009-02-12 11:01 PM [ 訪客留言(0) ] [ 編輯日誌 ] [ 分享至FACEBOOK ] |
« | 88 | 89 | 90 | 91 | 92 | 93 | 94 | 95 | 96 | 97 | ... | 470 | »
|
