今朝7點起身,

靈修&早餐後就去球場玩水.

勁曬&熱,

李sir形容我地變咗人乾!!!

不過炎炎夏日,

我地玩水特別開心^^_

d老師係我地要矇眼玩嘅game裡面淋我地水...

俾人淋嗰剎那好驚,

過咗幾秒又狂笑!!!

都唔知做咩事~

玩完水就食lunch.

lunch後返房"休息"咗陣

(其實係同Anthea&Hara傾計)

傾到3點就去扇形禮堂,

靈風中學嘅敬拜隊(係大埔嚟嘅)俾Miss Sin邀請嚟做敬拜&分享,

講真句我當時好想瞓,

so tired&有d悶...

但係一到李sir講嘅又冇咁累,

可能李sir講得風趣d la~

過咗一陣我地就去食dinner,

同靈風中學d人一齊食.

dinner後靈風中學d人離開黃宜洲,

我地就去扇形禮堂.

老師派物資俾我地去做一個黑盒&裝飾下佢.

老師話呢個黑盒係代表我地嘅生命,

叫我地做個黑盒時思想下我地嘅生命係點嘅.

我地返咗房做,

我剪咗d顏色紙成音符、心形&十字架形狀,

我仲係一張黃色嘅顏色紙上面寫咗Sunshine Lo&畫咗個太陽,

貼咗係個黑盒度.

做完個黑盒先知個黑盒係用嚟做咩.

原來我地做完個黑盒後要去營火會,

到咗營火場要燒咗個黑盒!!!

燒黑盒係代表我將我嘅所有都放低,

立志一生服侍神,

一生為神作工.

我地一個一個行到火邊,

扔個黑盒係個火度,

然後對住個大聲公,

講一句向神立志嘅說話.

我講咗話:

求主燃燒我嘅生命,

使用我,

一生作主嘅門徒.

所有同學都立志咗後,

就有幾個唔知係學校社工定係邊個,

係度帶領我地唱歌&跳舞~

好好玩~

因為今次係我人生中第一個營火會^^_

林sir俾人叫咗做"乳豬"!!!

勁搞笑!!!!!!!!!

營火會後我地要行一段好黑&好多蛇蟲鼠蟻嘅路先可以離開營火場,

去到營舍附近.

我地好多都冇帶電筒架~

哈哈! 你肯定估唔到原來我地每個人行嘅時候都完全唔驚,

因為"乳豬"有個大電筒,

帶我地行出去.

我地每人都搭住前面嗰個人嘅肩膀,

唱住歌(非洲歌"豉油蝦")行出去.

我地都好開心.

我第一次行一條咁得人驚嘅路都可以咁開心!!!

出咗嚟後分組分享,

分享後就拍片段~

老師叫每一組都要拍一段短片,

係短片中講下每一個組員嘅心聲.

其實...

我冇係短片講心聲架~

因為我講講下嘅失聲...

講唔到落去,

結果溫sir剪片時剪走咗我講嗰段...

總括嚟講,

今日我好開心,

尤其係個營火會,

好唔捨得呀...