尋晚去左睇 Charlie and the Chocolate Factory，發現原來套戲都幾恐怖架喎 …諗黎諗去，睇黎睇去都覺得冇可能係一級既！我諗小朋友睇都幾驚！套戲不論人物、橋段、造型、以及埸境都好恐怖…我都唔明點解會聽到人笑既 ?!! 故事講Willy Wonka懲罰唔乖既小朋友：d成日掛住睇電視啦、好鍾意食朱古力啦、好勝心強啦、同埋比身邊既人縱到好任性既小朋友！睇到我呢 …一頭汗呀真係…人家好鍾意睇電視同食朱古力架嘛 …！！

阿寶話睇完會唔會唔敢食朱古力，我心諗冇理由唔食既！我記得我以前(F.1果陣) 鍾意食朱古力到可以一個人拎住一 bar Cadbury chocolate 既純朱古力，仲要係大 size 果隻，一路睇電一路係咁食，好快…真係好快就可以食晒…好似食飯咁快 ！成磚咁食，不知幾開心…！其實家陣見到都好想買既呢…唉…但一.怕肥、二.怕生暗瘡、三.又怕肥、四.怕貴、五.怕唔舒服、六.又怕肥、七.怕蛀牙、八.怕肥、九.怕肥、十.怕肥…  ！但我剛剛係雪櫃偷左兩粒朱古力食，係新年呀姨拜年送黎既，都算係咁喇嘛，新年食到家陣，不知幾有決心 …( )！