人大左果然成日懷緬過去

日日都過得好快好快，快到我有驚既感覺

尤其夜晚攤係床會諗好多好多無謂野

驚第日每日為生活煩惱，驚連朋友都要好多年先見到一次，驚自己屋企人終有一日會走，驚老，驚自己一個，驚寂寞......

我知諗泥無用但係控制唔到自己...

好想好想返去細個無憂無慮既時光

於是開始搵好多細個既卡通泥睇

然後就瘋狂迷上小櫻同翼之奇幻旅程

好想好想買左成套dvd去

其實我知自己仲係一個離唔開comfort zone又依賴既人

好掛住一班中學朋友，但我知大家已經有自己好多好多既新圈子

而且加上好多唔愉快既事，彼此關係根本唔會再返到去從前咁...

不過人大左就係咁，約朋友出街唔再好似中學咁話出就出，大家總有好多野做，連一個電話，一句whatsapp都好難有

有時候會覺得唔開心因為我e個中學同學好似已經比唔上距地既大學同學

個個話中學同學先至係我地一世既朋友，但係現實似乎好似又唔係咁...

唉......

可能係我諗野太理想化掛，會唔會其實大家一個月有幾句wtsapp已經叫keep得到關係...

做人都係現實D好...