今日係考試既第二日，又要考我最驚既科——英文，一睇份卷，唉，大獲，大部份都唔識，今次死緊喇=0=，跟住考地理，好彩唔係好難姐=0=跟住我同渣東，宏哥佢地係前梯果到溫書，溫溫下，我見到D勁低B既野，一定笑死你地，同我一樣書包果個老坑，佢見到譚sir，佢地兩個互相經過時，謝XX話：譚文基。（我照事實講架咋，有咩大不敬既野，敬請原諒＝．＝）跟住譚ｓｉｒ果時望住佢，又唔係老啤果隻，姐係點呢？姐係個樣好似唔想理謝XX，可能謝ＸＸ成日咁叫譚sir都唔頂，講返先，譚sir咪望住謝XX既，謝XX仲話：望咩牙望？譚sir唔so佢，咁咁上左樓梯，我當堂呆左，唔係牙？咁都得？呢個咩世界黎架？=0=不過算啦，謝XX係有D精神病既，我唔怪佢。跟住我繼續溫書，但係浚哥屎忽行，無野做，因為佢好得閒，所以係咁串我，你地都知架啦，佢不嬲都唔溫書，我唔怪佢，但係佢唔溫書都唔好左住我溫書先得架=.=""佢唔駛溫，我要溫架麻=.=串左一輪之後，浚哥無串lu，因為...............打鐘了=.=宏哥就行埋黎話：點解你咁好人既？人地串你都唔打佢。（我唔係好記得係咪咁講，類似啦，如果唔係，宏哥你留言我改返佢）知唔知點解宏哥咁問呢？係因為浚哥串親宏哥，宏哥都會做佢。我就話喇：無計啦，我太善良喇。　渣東又話喇：咩話，你善良？好串喎渣東，質疑我既良善之心，唉，心淡牙（講笑姐^^）

考埋之後，周ｓｉｒ話想留低補中文既人留低，渣東問我：噫，你返屋企喇？我話：唔係牙，補中文。上到去課室，我岩岩去完個洗手間，超狗牙渣東，唔比人入去=0=，無得入時我岩岩諗起，噫，得先有個含包省sm我喎(唔好誤會，sm係係姐係短訊shrot massage，周sir教既=0=，真係學以至用牙=.=)原來係yahoo sd黎，佢話我上次係拍賣場果個認證失敗，叫我認證多次，過多一陣，周sir終於來了，我等了你很久了，事關渣東要等到周sir黎到先比我入=.="

補完之後，我地行到去差唔多到荷花池到，見到梁sir同葉sir，佢地岩岩食完飯，因為以經2點半lu，我就話：到我地食飯lu，我就伸手叫佢地比錢，佢地唔so我，葉sir仲好串咁話：食得開心D喎=0=好串喎葉sir，渣東又話：煒哥，你又樣衰架？我話：無咩所謂，玩下牙麻，我不嬲都係咁架啦，你唔知架咩？佢話：我知，我知你不嬲都係咁多舊魚。=.=，我地行左出校門，我話見到李美欣，我就叫左一聲，李美欣佢地另轉面，望我地呢面。跟住我地就走左。

跟住又到補習呢個環節，我同我阿妹一齊去，阿sir問我話：你有筆數要交(姐係交補習費)。跟住我就話：阿sir，我復活節可能返大陸喎(老昆佢既，事關我唔想係復活節補，一陣踩去尖咀又話要返黎補習，咁咪好多舊魚？所以唔啦)阿sir就話：可能咋。雞昌過左一陣都黎埋，佢問：噫，呢個你個妹牙？我話：你講緊廢話？我又同佢講話：喂，你復活節補唔補。雞昌話：唔啦。我話：咁你就要搵個借口老昆佢喎，點知過左無幾奈，阿sir就問雞昌話：你唔駛返大陸牙麻？雞昌話：唔駛。點解阿sir係咁問人架呢？平時都唔會架，雞昌話：可能復活節個個都唔補=0=我話哦，原來係咁=.=。我同雞昌講：你諗到味牙？佢話：味牙。過左差唔多大半個鐘後，雞昌話：我話我去桂林先。問題決缺左lu，佢又話：你一陣同你阿妹返屋企牙？我話：咁又點？跟住我拎左副象棋出黎show下，佢話：噫，又想拎返屋企牙？好串喎雞昌，件事係咁既，上次我地補完習就買左副象棋，玩5局，話輸左果個要拎返屋企，下次帶黎，最後，3比2=0=，我輸左比雞昌，好串咀牙佢，今次我一定要贏佢！正所謂：皇天不負有心人，我抄佢2比0，收工，咁快玩完，都唔好玩既=0=，今次到我贏返了^^係咁串佢話，副象棋重唔重牙？事關佢上次又係咁串我＝０＝

雞昌，重唔重牙副象棋？