今日要收果個中史分組功課，差唔多個個都有做，但係有3個無交，有一個就平時都無交開架喇，但係有兩個唔知咩事無人組佢，一個就係文俊，家玲姐佢地本身好似話加佢，但係無加到，有一個先慘，佢就係鄧學宜，平時見到佢都好小唔交功課，哦，佢本身係李美欣果組既，佢比佢份野我時，有五個名架，唔知點解刪左阿巧君同唔得左邊個= =，跟住收完之後，我問陳巧君話：你份功課呢？佢話：我同李美欣果組牙麻。我又話：無你喎。佢行過黎，睇左一睇，我話：刪左你個名既？佢話：得架喇。佢地都唔係做野既=m=亂黎，好明顯陳巧君係無做到既=,=""我唔理佢啦，照交，後尾，同我鄧學宜講話：你果份呢，佢話：係陳巧君果組囉。我話：佢地五個人喇喎。佢當堂無奈左一陣，我就去收其他人果D啦，佢哭喎=.=，陳巧君跟住過去唔知同佢講左D咩跟住就無事啦，佢就拎左本手冊出黎簽留堂。我覺佢地好狗囉= =，係放假前miss都話6個人唔得架啦，都唔識做既，仲要無啦啦踢走人，人地想做都無得做返，係唔組人就早D同人講啦，搞到人地無得交，幾賤格=.=""

跟住上生命教育堂，哇，miss播左段片個主角十足十傻弘，我之前介紹過佢架喇，唔記得左？去2006 年 4 月 17 日  星期一既日記啦，佢同果個主角個樣有D似，性格都好似，好鬼串咀，不過果個主角唔似佢既地方就係果個主角唔講粗口，但傻弘就係咁講=,=""

過左個小息同個共同體，終於到我最鐘意既電腦堂喇=9=，我等左好奈，落到去，哇，真係一個驚起，換左新電腦牙，個mon仲要係LCD牙=0=正牙，但係對我黎講有兩個壞消息：

第一：阿sir話個電腦係內置喇叭，所以唔好聽歌，我就話：咁比個耳筒黎，阿sir話：唔比。=9=換左新電腦，又無得聽歌=0=

第二：就係無得用九方，我靜係識用九方，我家陣都係用九方打架，我本身係自已個file有個九方既，但係，因為換左新電腦，呢個九方唔岩用=,=""所以用唔到。上網下載果d又後流野黎，都用唔到既=.=""

呢部電腦有MSN，李美欣叫我ON MSN，我就ON啦，上到去，家玲姐牙，潛潛，李美欣，雞昌，康康，巧君，浚哥，等等……佢地一知到我用唔到九方，就係咁串我話，大鼻煒，你食左dinner味牙？(dinner個音似tina)又話咩咩大鼻孔明啦，又話你條女呢？你打唔到字牙之類既野=.=""有成9個人係咁串我=.=你地試過味？=0="我話：阿sir，佢地好狗牙。阿sir話：你關左佢咪無事囉=.=""我話：等我下堂整返個九方你地就死=.=""

係咁多喇=0=就算有都係唔記得左= =""