差唔多暑假就黎完，唔知點解呢次個暑假過得特別快，過多兩日就要開學，都無計架喇，面對殘酷既現實吧啦=0=""

今日係一個特別日子，有咩咁特別？無咩特別既其實，不過就係要去健康檢查姐，無野既=.=我係出去時問過下Crazy，我問：你做左健康檢查味？佢話：做左。跟住我又問：要檢查Ｄ咩架？佢話：你到時咪知囉XD。我跟住又問：駛唔駛.....果D架你？佢話：要。噫，佢又知我問咩喎，哈哈哈。跟住我又問：係男定女黎架？佢話：女，吾會男-0-。咁都好D，比人檢都係女黎=0="跟住我問：檢果到，做咩。佢話：頂..我點知姐-口-''你到時咪知囉。 我發覺我問得太多了=.=

跟住我同渣東仲有宏宏一齊塔車去，雞雞去唔到，因為本身佢係30號去先，佢諗住29號一齊去既，不過佢打電話去，果邊D人話29號無位了，咁就無計啦。宏宏又係著波鞋，我同渣東都係拖鞋，幾正，我最遠試過著拖鞋去旺角，哇，好正=0=我出親街都係著拖鞋咁制，拖鞋已是標記了=v="講返先啦，原來佢地唔識去架=,=，不是麻，佢地仲話：係咪呢到架煒哥？真係唔知架喎佢地，上到去，噫，家兒姐喎=0=""我就叫左佢一聲，換黎既係咩呢？比佢用凶恨既眼神望住我=.=我做錯D咩？不過佢份人係咁，好鐘意用凶恨既眼神望住人地，跟住有成日踢人=.=""我地登記左之後，坐左係一邊到等，我見到前面有個小妹妹，應該3~4歲。佢望左黎後面，我同佢hi，佢又同我hi。哈哈，佢小妹妹都幾得意喎，我覺得佢好似上戶彩耶=0=我就開渣東話似唔似，佢話唔似，我覺得真係好似=0=個小妹妹好開心咁望住我地，我話：呢個哥哥係咪好樣衰？渣東又話：呢個哥哥係咪好樣衰？個小妹妹無應到，佢笑緊，

我當時真係想幫佢影張相，但係，我部電話...........大家知吧，個小妹妹真係可愛，同埋，真係好似上戶彩，我個上戶彩本身玩緊條魚仔仔公仔既，不過有個男仔，應該係佢牙哥，係咁打條魚，呢個細路真係想比人打，打我個上戶彩玩緊既果條魚？找死？渣東話：咩你既上戶彩牙=0=""。哈哈，跟住我我檢查先，緊係要檢查果到啦，不過係望一望姐，無野既，跟住渣東話：點牙？有無查果到？我話：無牙。點解我咁講？廢時東東係咁問啦=.=跟住我地搞定曬，但係宏宏又唔知去左邊，佢無理由自已走左架？跟住原來佢仲等緊查血厭，點解？因為搞多好多次都係高血壓，所以要查多幾次，跟住佢搞定左呢邊仲要去見醫生，我地係到等宏宏時，見到定兒姐要走了，我細細聲講88，我驚佢媽媽聽到，所以細細聲，跟住佢都笑笑地同我講88。哈，個樣終於無咁凶恨=0="""

跟住宏宏出黎喇，我地可以走了，我地首先去左光明，事關佢地要拎書，我地行行下，渣東同我講左句普通話，我緊係唔明啦，真係普通話黎架麻，渣東又唔肯講喎，佢話講普通話，我話：我根本就日大陸人（我好大聲用普通話講）哈哈，街有幾個人望住我，真係帥呆了。