最近,自己都唔知做咩.明明已經考緊模擬試,仲有兩日就考完了.但唔知點解一點都唔想溫書,只係考之前果日溫幾個鐘就算,而且考果時一點緊張心態都沒有,就慢慢開始做,就好似做練習一樣.只是分別唔同的是一個可以睇書做,一個唔睇得書做而言.

可能心裡想都唔係點計分,冇咩動力去溫書?又或者是我太懶惰,咩都隨心而行,隨感覺會做每一樣事情.有興趣就會全力去做,冇興趣的話有可能一點都唔會去做.我係唔係太縱容自己呢??但我喜歡自由自在,不受綑綁著.所以我喜歡隨心而行,隨感覺會做每一樣事情.就算之後知道係錯,我都會覺得自己的選擇冇錯.因為這些都係我的決定的事情.在每個決定後,我都會讓它自然發展,每樣事情要來的終會來避不開,不過我只是以一個旁觀者靜靜地看所有事情,讓自己都輕鬆得多.

每個人所背負的事情都不一樣,沒有人能阻擾到某些事情的發生.而我只係選擇一個輕鬆一些的方法面對,若我們把所有事情都背負上身,只會令自己辛苦,透不過氣來.輕鬆面對有可不可呢?試下以另一個角度看每一件事,所有事情都會有點不同的.