我昨日下午就返到香港了...很累啊... 　用上了三小時三十分鐘的車程回到深圳。

我四月四日早上7時30分約左細叔同的同堂細佬、我細叔的朋友o係上 水火車站seven等，然後，一行四 人就迫上火車前往羅湖，過關後，我地就去左深圳某間茶樓飲茶。飲到九點，我地就去塔的士前往巴士站，原來都要用上15分鐘先至到巴士站，本以為好近關口tim..上左巴士後，就快開車。我同我的堂細佬一齊坐，好在有佢陪我，如果唔係全程都係好悶。我地不停傾計，又不停找些東西出來把玩下..其實只係手機和相機，唉...結果用左4小時先至返到去.......我地返到鄉下,首先係去食午飯...肉丸河粉,當地盛產。我地跟住坐三輪的電單車直接去大姑媽的家，我地返到去就見到大姑媽，佢冇乜點變，十年啦~~~ 跟住我地settle down first, 放低d野，跟住梗係大家排排坐，又要認下邊個打邊個啦...我都唔知點知稱呼佢地..輩份好多...見到d小朋友,好可愛，佢地唔叫我姐姐，要叫我做阿姨，有d就要叫我做姑婆....嘩...叫到我老哂... 我細佬就坐大表哥的車由廣州返鄉下。

我地會係四月五日早上八時出發拜山，一行十幾人，開始時，落住微微細雨...不過，到我地上到山，就停雨啦~~ 第一站係我爸爸的新墓地..環境開揚..比以前的好多了!! 由於是新墓地，是要在指定吉時九點正拜祭。本應，論輩份，我阿爸是在最後的。今次，我真係好開心，可以返到爸爸的鄉下。但一開始拜祭時，我對眼有d眼濕濕，始終，我好耐冇返過來...有好多野想同佢講...我同我細佬都係細聲默禱。上完香，燒過錢，就放爆竹...　嘩..我感到有中彈的感覺...爆竹開始爆時,我地已經背住...我地感到背部有野彈埋來啊~~~~ 完了後，我們再往太太太太太爺....都唔知又幾多個"太"呀...總之係老祖先..由第九世開始..拜到第十二世，即係我阿爺。當中每次都要放下爆竹，愈行愈上.....周圍d雜草已經是先叫人清理，如果唔係我地跟本找不到路上山啊....原來我係第十四世,我阿爸係第十三世~~ 係我阿叔話我知的~~

拜完山，我細佬就要返廣州~ 原來要用五個小時先至去到...我大表哥同我講，由鄉下到廣州有400公里，比我由深圳到鄉下的300公里少100公里~~好遠呀....當我細佬巴士時,先至知冇位...d人咁衰...　冇位都照收人錢..我細佬只有坐凳仔....坐足五個鐘,真係辛苦佢...

在鄉下的生活好簡單，玩下羽毛球，騎單車，最刺激既係我細佬教我騎摩托車~~yeah~~我細佬原來咁大膽，哈哈，開頭，我大伯話要一個小時就學懂~~不過，我只係學左5分鐘就知道點揸~~of course,我細佬有坐在我後面，睇住我點揸∼∼嘩，好勁呀∼∼好好玩呀∼下次返去要玩過！！玩左一個小時，我就去沖涼，六點多就食飯∼∼　我大概十點就去訓左．．．幾日的生活就係咁∼∼‘好早就去訓覺∼　感覺很好∼　空氣好，夠靜．．　不過都幾多蚊∼∼　我影左ｄ相．．遲ｄ放上來∼∼　

下次返去，可能是六月or重陽節or過年時~~~