今日唔知做乜,好想兜巴星o個個人...總之望到佢...總之覺得佢好黑人憎。

下午,開始覺得有d想嘔既感覺.....這感覺持續到放工...直至現在...唉....今晚的補習要cancel..算...都係早d去訓下覺...

昨晚，過了一個恐怖的晚上，真係好想喊...但係o係果刻又喊唔出。......今早起床，已經差不多是正午十二時了....又要做house cleaning...唉...今個星期的schedule又係好唔得閒。

仲有2日，又大一歲啦....都冇乜感覺，但係我又諗下下一年，如果我又好似依家咁，都唔知點算，好無奈....

心情不大好．．．今日好忙．．臨收工時，老細又入我地房，唔知佢發乜溫．．又問我山西個ｒｅｐｏｒｔ攪掂未，我同佢講，我未有時間去完成，仲做緊．．（我都知我唔應該咁樣同老細講，實俾人丙）．．．跟住佢就話我分俾佢地兩個做，一個人攬住好大壓力架．．．　嘩．．咁樣又俾佢話我攬住ｄ野唔放．．又唔問下佢地點解唔出聲．．？就係因為唔出聲唔使做．．．佢地想唔做囉，再加上老細又冇名正言順叫佢地做，咁今次好啦，明天就ａｓｓｉｇｎ叫佢地自己做，做完俾我睇下∼一於咁話∼哈哈∼　

去山西時所墊支的錢已經辦妥，各人已經取得自己之前所付出的錢。又少左一樣野去煩。

明天，要ａｓｓｉｇｎ PA做ｒｅｐｏｒｔ，自已要落苗圃數苗及到種子房看西芹頭種子有沒有存貨。另外，好在多得兩位舊同事阿ｂ和不凡的幫忙，偉興的種子已經派得七七八八。希望其他的種子快ｄ來，快ｄ可以做個了結啦∼

今日放工前，聽同事講新同事原來係女仔．．．姓「李」的。！！！之前，唔知邊個話係男仔，姓「利」的！！！ｄ小姐仲話係「勝利」既「利」喎．．．唔知邊個耳聾定係人家聽力有問題？　我明明聽老細講係姓「李」，但係人地大大聲地係話係「勝利」既「利」喎∼　不過，這個唔係重點，因為這意味住，我個ｔｅａｍ會全部係女仔囉．．．真係要放長雙眼去看看這位新同事∼其實有ｄ野，有男仔係度會好ｄ囉，我唔係覺得女仔唔得，而係有ｄ場合，男仔出馬確實會方便ｄ！只好接受現實啦∼

今晚七點半要出去補習．．．．其實我好攰．．．不過，都係唔好咁懶．．要努力！！！！

今晚好開心,可以同舊同事吃個飯，傾下計~ 我地仲約定下次在10月6日星期六再聚~實在太高興了~ 又收到消息，就係我們的市場經理下年要結婚啦!!喜事重重~ 下年我有2個wedding要參加~唔知下年係咪又係好年呢?大家都o係差唔多時間結婚。

明天，我有工開呀!!雖然係做替工，但係既可以同好友emma食飯，又有$收，收入不多，但已經好滿足。好開心呀!! 明天要早起，今晚要早d訓!!!

昨日,我的好朋友幫我去買左部nds~yeah...今日我地一齊去學first aid時,佢就攞左俾我玩先~都幾新鮮~First aid已學左４堂，仲有６堂就上完啦∼今日要包骨折部位．．都ｏｋ啦∼不過，真係要搵個時間再ｐｒａｃｔｉｓｅ下∼下一堂要訓地下做．．所以我要記得帶ｙｏｇａ　ｍａｔ．．．如果唔係，我地就要用佢地提供ｏ個塊十年都唔洗一次既ｍａｔ．．．諗起都覺得有ｄ恐怖∼