原來己經五日無打日誌。不是忘記打，而是有時太攰唔想打，有時無心情唔想打，有時攰到寫唔到一句完整句子。

今天是返學的最後一天，忙完所有文件正式放假。明天還要早上帶乒乓球，下午帶數學比賽，晚上團年，工作仍然多，心情還是輕鬆。

明天男丙，女乙打波。雖然出線機會好小，但都希望盡力吧。

這幾天不斷處理學生的秩序問題，真是十分疲倦。2A七子去玩牌，4 位小姐集體逃學，二人玩到起火打架，一人失控在堂上攪事，另外一個受不住壓力唔想返學。

想點?我己經忙到死，唔該乖點可以嗎?都好，放完假先算。仲有半年，不敢想像。

回到家，看到囡囡的成績表。尚算可以，但今年無時間理她，好大機會得唔到第三次的勤學獎呢。希望抽更多時間陪她呢。

明天囡囡去葵芳跳舞比賽都去唔到，有點不快。

今年只是第一年，未來的五六年將會一年比一年辛苦。我可以捱得住嗎?