今日去音樂會,覺得幾過引,一個喊露都冇打過a_a

回程果陣用電話開msn...跟住收到一個不得了o既消息...

我隻兔仔...去左極樂的世界/_\嗚...唔好丫/_\返黎丫...

之後出左去打波..連個天都為我而喊...所以一邊打波,個老天爺一直為我喊...

最後成身濕哂...返到屋企即刻沖涼...見到個個苦口苦面咁...

唉/_\安息吧,Mogu!!

好唔鋸囉...對其他堂都冇咩野,係上果條poor guy普通話就把鬼火!

成日咩都嘈住哂,都唔緊要...我冇帶file,佢叫我抄我都冇咩野...

佢叫我抄0但係佢又唔用啵,抄黎把鬼?不嬲都好唔鋸佢...

又要我地默果個咩垃圾拼音,默黎把鬼咩?有咩用丫?

拼完有錢汁?默埋哂d垃圾,仲話哂半粒鐘去溫,好易...

你淨係識點我地罰抄,你自己抄喇!你就知幾辛苦架喇!

點人自己唔試下果種味道喎,正一poor guy黎!

放左學去打波,今日提子食錯藥,球球切瓜,我就球球都入...

上籃,入,射波,入,我諗我同提子掉轉左藥食XD

今日照早交齊哂功課...去到中史堂,佢第一個問:邊個未交中史作業o既唔好坐低...

我咪好誠成咁企左起身囉,跟住佢話:ok,承羲去留堂班做返俾我...

我話:下,我做左,未copy返落去本野度炸啵...

佢話:你當我傻架,你做架咩?你都係影人地果份炸嘛

我冇聲出,跟住音樂堂交俾佢,佢話:做完喇,但係你幾次欺騙我,所以都係要去留堂...

當係罰你...

!@#!!!第一次留堂,本身冇咩野,之後個陳志華上黎講廢話,我唔理佢繼續做囉...

跟住佢數左三條友冇坐低,其中一個係我...跟住叫我地放左學搵佢...

佢話:老師講野你要點,專心聽丫嘛!

我話:我兩樣都兼顧到啵...

佢話:咁你唔駛尊重我架?

我又冇出聲,跟住佢俾汁邊果兩個走,係唔俾我走...

留到我5點9...跟住出左去打波,打到7點,之後同屋企人講返緊去,佢地又話做咩咁遲返...

我話:今日去左留堂,咪想打夜d囉~

今日真係unlucky~

今朝一早俾人叫左起身去跑步...又跑去上村...

跟住我話:事但喇~

刷完牙就去左跑喇~我真係唔跑都唔知原來而家咁跑得._.

我屋企離上村2.5公里,我淨係中間去左個廁所,跟住就冇停到一直跑._.

來回5公里,唔近唔遠喇._.跟住返到屋企成日汗,沖左個涼...

好似愈黎愈眼訓咁...唔知搞乜~跟住渣車出大埔飲茶...

之後老豆開到個窗鬼咁大,吹到我頭髮亂哂~之後訓著左...

飲完茶佢地去買餸,我又坐係架車度等,跟住又訓著左...好彩老豆返左黎擺低d野...

如果唔係一定俾人偷野囉~之後嗌醒左我._.

返到屋企又俾人吹做功課...煩死~差隨筆炸,夜晚先做都唔遲喇~

有冇人知果個drama bk做咩?我都唔知咩黎...

(俾個意見我...呢排想轉色唔知轉咩色好~)

今朝9點就彈左起身...一起身緊係開機喇~

之玩左陣msn...答9就出左門口嚕...

諗住坐巴士,但係有隻紅小巴沖過黎,咁咪上左小巴囉...

點知答2就到左學校...咁嘉豪約左我叫我練陣波丫嘛~

咁我咪係佢地補課果陣我練波囉...跟住練o既途中有好多人黎左...

跟住想練波o既我變左鬥波...唉~嘉豪班友仔出左黎,咁出左去街場打...

嘉豪話我有進步=]粒半鐘冇白費到丫~

跟住返到屋企,就係度食麵...好寂寞/_\自己一個食lunch/_\